Qandastarǧa jūmyspen qamtuǧa järdemdesu şaralary jäne basqa da jeŋıldıkter berıledı. Būl turaly QR Eŋbek jäne halyqty äleumettık qorǧau ministrlıgı mälımdedı, dep habarlaidy “Adyrna” ūlttyq portaly.
Qazaqstan Ükımetı etnikalyq qazaqtardy repatriasiialau salasynda belsendı memlekettık qoldau jürgızude. Qonys audaruǧa jäne tūrǧyn üidı jaldau jönındegı şyǧystardy jabuǧa arnalǧan subsidiialarmen qatar Qandas märtebesın aluǧa nemese ūzartuǧa, sondai-aq qandastar men qonys audaruşylardy qabyldaudyŋ öŋırlık kvotasyna engızuge ötınıştı etnikalyq qazaqtar jergılıktı atqaruşy organdarǧa, "Azamattarǧa arnalǧan ükımet" memlekettık korporasiiasy" KEAQ-ǧa jäne Qazaqstan Respublikasynyŋ şet elderdegı mekemelerıne bere alady.
Qandastar men qonys audaruşylardy qabyldaudyŋ öŋırlık kvotasy QR Ükımetı qandastardy qonystandyru üşın aiqyndaǧan öŋırlerge – Aqmola, Atyrau, Şyǧys Qazaqstan, Batys Qazaqstan, Qostanai, Pavlodar jäne Soltüstık Qazaqstan oblystaryna bölınedı.
Būl rette öŋırlık kvotaǧa engızılgen qandastarǧa köşuge (otbasynyŋ ärbır müşesıne 70 AEK-ten bırjolǧy tölem) jäne 12 ai ışınde jaldau şyǧystaryn jabuǧa jäne kommunaldyq qyzmetterdı töleuge (otbasyna 15-ten 30 AEK-ke deiıngı mölşerde) subsidiia türınde memlekettık qoldau şaralary qoljetımdı.
Sonymen qatar qandas märtebesın alǧan etnikalyq qazaqqa kelesı qyzmetter qoljetımdı:
- QR aumaǧyna kıru kezınde kölık qūraldaryn qosa alǧanda, jeke paidalanuǧa arnalǧan mülıkke kedendık tölemderdı töleuden bosatu;
- qandastardy beiımdeu jäne yqpaldastyru ortalyqtarynda tegın beiımdeu jäne yqpaldastyru qyzmetterın qamtamasyz etu;
- tehnikalyq jäne käsıptık, orta bılımnen keiıngı jäne joǧary bılım beretın oqu ūiymdaryna oquǧa tüsuge kvota şeŋberınde bılım alu (Qazaqstan Respublikasynyŋ azamattary bolyp tabylmaityn ūlty qazaq adamdar üşın kvota 4% mölşerınde belgılengen);
- Qazaqstan azamattarymen teŋ jaǧdaida jūmyspen qamtuǧa järdemdesu şaralarymen qamtamasyz etu;
- memlekettık tūrǧyn üi qorynan tūrǧyn üi aluǧa ötınış beru mümkındıgı.
Būdan basqa elde tūraqty tūratyn qandastar jeŋıldetılgen tärtıppen (tırkeu tärtıbımen) Qazaqstan Respublikasynyŋ azamattyǧyn ala alady.
Eske salaiyq, 2022 jylǧy 1 tamyzdaǧy jaǧdai boiynşa 9 077 etnikalyq qazaq tarihi otanyna oralyp, qandastar märtebesın aldy. 1991 jyldan bastap respublikaǧa barlyǧy 1 mln 96,9 myŋ etnikalyq qazaq oraldy.
Osy jyldyŋ basynan bastap Qazaqstanǧa kelgen qandastardyŋ jartysynan astamy (69,9%) Özbekstannan, 10,3% – QHR-dan, 7,1% – Türkımenstannan, 4,0% – Moŋǧoliiadan jäne 8,7% – basqa elderden kelgen.
”Adyrna” ūlttyq portaly
