2023 jyldyŋ 1 jeltoqsanyndaǧy jaǧdai boiynşa 19 476 etnikalyq qazaq tarihi otanyna oralyp, qandas märtebesın aldy. Jalpy 1991 jyldan berı respublikaǧa 1 million 126,5 myŋ etnikalyq qazaq oraldy, dep habarlaidy «Adyrna» ūlttyq portaly QR Eŋbek jäne halyqty äleumettık qorǧau ministrlıgınıŋ baspasöz qyzmetıne sılteme jasap.
Biylǧy jyldyŋ basynan berı Qazaqstanǧa kelgen qandastardyŋ jartysynan köbı (51,9 paiyz) Özbekstannan, 19,6 paiyzy Qytaidan, 10,8 paiyzy Moŋǧoliiadan, 8,5 paiyzy Türkımenstannan, 7,2 paiyzy - Reseiden jäne 2 paiyzy - basqa elderden oralǧan. Aǧymdaǧy jyldyŋ 1 jeltoqsanyndaǧy jaǧdai boiynşa eŋbekke qabılettı jastaǧy etnikalyq köşıp-qonuşylardyŋ sany 60,5 paiyz, kämeletke tolmaǧandar – 30,9 paiyz jäne zeinetkerler – 8,6 paiyzdy qūraidy. Kelgen etnikalyq qazaqtar respublikanyŋ är öŋırıne qonystandy. Būl rette Qandastardy köşıru üşın jūmys küşı tapşy öŋırler anyqtaldy: Aqmola, Abai, Qostanai, Pavlodar, Şyǧys jäne Soltüstık Qazaqstan oblystary. Eldı mekender boiynşa 2023 jylǧa qandastardy qabyldau kvotasy 2337 adamdy qūraidy. 2023 jyldyŋ 1 jeltoqsanyndaǧy jaǧdai boiynşa qonys audaratyn aimaqtarǧa 2053 qandas qonystandy. Keŋes Odaǧy ydyraǧannan keiın demografiialyq qiyndyqtarǧa tap bolǧan Qazaqstan ükımetı «Nūrly köş» baǧdarlamasy arqyly qazaqtardy atajūrtqa oraluǧa yntalandyruda. Älemnıŋ 40-tan astam elınde 5 millionǧa juyq qazaq tūratyny belgılı, olardyŋ denı 1920-1930 jyldardaǧy KSRO kezındegı saiasi qyrǧyn men joqşylyqtyŋ kesırınen köşıp ketken ūrpaq.«Adyrna» ūlttyq portaly
Ūqsas jaŋalyqtar
