"Şaŋyraq oqiǧasy" boiynşa ūzaq jylǧa sottalǧan Qūrmanǧazy Ötegenov 19 tamyzda bostandyqqa şyqty. Būl turaly «Azattyq» radiosy habarlady, dep jazady "Adyrna" ūlttyq portaly.
"Taŋerteŋ bosatyldy" dedı Qostanaidaǧy UK-161/2 mekemesınıŋ kezekşısı Azattyqqa.Aqparatty Adam qūqyǧyn qorǧau biurosynyŋ zaŋgerı Gülmira Quatbek te rastady. Türme aldynan Ötegenovtı belsendıler qarsy alǧan. Qūrmanǧazy Ötegenov 2006 jylǧy 14 şıldede Almatynyŋ şetındegı Şaŋyraq eldımekenınde bolǧan oqiǧaǧa qatysqany üşın sottalǧan. Şaŋyraqta sot "zaŋsyz salynǧan" dep tanyǧan baspanalaryn süruge kelgen bilık ökılderıne jergılıktı tūrǧyndar qarsylyq körsetıp, qaqtyǧys saldarynan polisiia qyzmetkerı qaza bolǧan. Osy oqiǧadan keiın tört adam ūzaq merzımge sottalǧan. Olardyŋ ekeuı 2020 jyly merzımınen būryn şartty bostandyqqa şyqty.
"Şaŋyraq ısı" boiynşa 18 jylǧa sottalyp, 15 jylyn türmede ötkızgen, byltyr küzde densaulyǧyna bailanysty bosatylǧan dissident, aqyn Aron Atabek türmeden şyqqannan keiın köp ūzamai auruhanada qaitys bolǧan. Halyqaralyq qūqyq qorǧau ūiymdary men jergılıktı belsendıler onyŋ ölımıne bilıktı kınälap, tüsınıkteme berudı talap ettı. Halyqaralyq därejede tergeu jürgızu qajettıgın de alǧa tartty. Al belsendıler "Şaŋyraq ısınıŋ" qaita qaraluyn talap ettı.Sot ükımı boiynşa 16 jylǧa bas erkındıgınen aiyrylǧan Qūrmanǧazy Ötegenovtıŋ jaza merzımıne 2013 jyly türme äkımşılıgınıŋ "zaŋdy talabyna baǧynbaǧany" üşın taǧy ekı jarym jyl qosylǧan edı.
"Adyrna" ūlttyq portaly
