Talǧar qalasyndaǧy №25 mektep qazaq-orys tılderınde bılım beretın boldy. Būl turaly jurnalist Qaragöz Sımädıl jazdy, dep habarlaidy «Adyrna» tılşısı.
Aituynşa, būǧan deiın bılım basqarmasy mekeme qazaq mektebı bolady dep uäde bergen.
«Söz basqa, ıs basqa bolyp tūr. Bala sany jetpeidı degen syltau aityldy. 889 qazaq oquşynyŋ ata-anasynyŋ ötınışı men deregı jinaldy. Mäjılıs deputattary Qazybek İsa, Janarbek Äşımjan däl osy mektepke qatysty män-jaidan habardar. Endı mıne, oqu jyly bastalar şaqta qazaq mektebı bärıbır aralas bolaiyn dep tūr. Talǧar audandyq bılım bölımı paraqşasyna 25 mektepke orys tılınde sabaq beretın mūǧalımderge bos orynǧa habarlama berıp, ony öşırıp ülgerdı.
Almaty oblysy äkımınıŋ baspasöz hatşysy Ǧalmūrat Jükelge mäselenıŋ män-jaiyn bılgımız kelıp habarlasyp edık, jinalysta otyr eken. «Qazır bärın anyqtap sızge habarlasamyn», – degen. Sırä, jinalysy älı bıtpegen bolar, telefonyn almai tūr. Osy mekteptıŋ qazaq tılınde aşyluyna qatysty mäselenıŋ basy-qasynda jürgen tūlǧalarmen keŋ äŋgımelesıp, tolyq jariialaimyn. Al, sonymen jügır, jinalys jasa, sözıŋdı resmi negızde, bärıbır, audandyq äkımdık jäne mümkın oblys äkımınıŋ özı (naqty derektı kımnen anyqtarymyzdy sūraityn adam telefonyn almaǧandyqtan, osylai boljamdauǧa mäjbürmız) qazaq mektebı bolaiyn dep tūrǧan mekemenı aralas qylyp tynbaqşy»,– dedı ol.
