Keşe Almatydaǧy eŋ tanymal meiramhanalardyŋ bırınde tanymal bloger, psiholog, käsıpker Balhiia Baltabaidyŋ toiy dürıldep öttı. Soŋǧy jyldary qazaq qyzdaryna islami psihologiia taqyrybynda treningter ötkızıp, halyq köŋılınen şyǧa bılgen blogerdıŋ taŋdauy Mūrat Anarbek esımdı jıgıtke tüsıptı. On ekı jyl būryn sezımın bıldırgen jıgıttıŋ ūsynysyn endı qabyl alǧan Balhiia Baltabai hanym äleumettık jelıdegı paraqşasynda toidyŋ erekşe ötetının aldyn ala aitqan bolatyn, dep habarlaidy «Alaş ainasy».

Rasynda da, toi qonaqtaryna tost berılmei tek oiyn oinatylyp, qonaqtardy biletıp, estrada jūldyzdarynyŋ än şaşuymen ötken toidyŋ şou türınde airyqşa ötkenı baiqalady. Toqtar men Beibıt, Quandyq Rahym, Bürkıt pen Aişa, jastardyŋ süiıktı toby Kaliforniia sekıldı estrada jūldyzdary da toida önger körsettı. Toi tızgının belgılı asaba Erlan Qūlşynbaev qolǧa alyp, toi körıgın qyzdyra tüstı.
Atap öter jait osy uaqytqa deiın qaiyrymdylyq ısterımen jiı ainalysatyn bloger halyqtyŋ da süiıktısıne ainalǧany sonşalyq jas jūbailardyŋ toiyna elımızdıŋ tükpır tükpırındegı halyq qyzyǧuşylyq tanytqan. Sondyqtan jas jūbailardyŋ toiyn alystan bolsa da tamaşalauǧa tyrysyp tıkelei efirdı aqyly köruge tyrysqan, süiıktı qyzdarynyŋ toiyna şaşu şaşqan halyq ta köp bolǧan. Alaida bloger toiǧa tüsken qarjyny tügelımen Türkıstan oblysynyŋ Arys qalasynda salynyp jatqan meşıttıŋ qūrylysyna audarudy şeşken.
Sondai-aq jas jūbailar toida ata-analaryna, bırneşe toi qonaqtaryna Ūmraǧa qajylyqqa joldama syilady. Belsendı toi qonaqtaryna aqşa men altyn taratqan jas jūbailardyŋ toi qonaqtarynyŋ köŋılın barynşa tapqysy kelgenın baiqauǧa bolady.
Jaŋaşa formatta, sauapty amaldary molynan, erekşe ötken toidy äleumettık jelıler de köp talqylauda.
Atap öter jait soŋǧy jyldary toi formatyna özgerıs engızu kerek ekenı, kiılmeitın kiıtter men Qytaidyŋ maida şüidesınıŋ saudasyn jürgızıp, toida toi tabaq retınde taratpau, jinalys bolyp ötetın toilardy yqşamdau jaiy jiı aitylǧanymen qolǧa alynbai kele jatqany şyndyq. Müldem basqa formatta ötken toiǧa qarap toi ielerı qalasa toi qonaqtarynyŋ özgerıske daiyn ekenın baiqadyq!
Eŋ bastysy jas jūbailardyŋ qiǧan nekesı haiyrly, Mūrat pen Balhiia baqytty bolǧai!

