Jumbaq jaǵdaıda qaıtys bolǵan atyraýlyq jas sarbaz da tanys-tamyrynan aqsha suraǵan. Bul týraly jýrnalıst Erbol Mándibek Facebook paraqshasyna jazba qaldyrdy, dep habarlaıdy “Adyrna” ulttyq portaly.
“Sonda bul ne? Ásker ma? Álde halyqtyń balasyn jınap alyp aqsha suratatyn qupııa qurylym ba?Allooo brat qalaısyń? Renjimeseń 5 myń atyp jiberesiń ba!
Áskerge ketken balanyń bári osylaı aqsha suraıdy. Ózim biletin týystardyń áskerdegi uldary osylaı talaı habarlasty.
Qorǵanys mınıstrliginiń ataýyn ózgertý kerek sııaqty. Osylarǵa senip halyq balasyn áskerge jiberip jatyr. Barmaımyn degenderin kósheden ustap alyp áketýde. Aqyr aıaǵy qanshama ata-ana aıdyń kúnniń amanynda sap-saý balasynyń súıegin qushaqtap zar ıleýde.
Sonda bul ne? Ásker ma álde halyqtyń balasyn jınap alyp aqsha suratatyn qupııa qurylym ba?
Qorǵanys mınıstrliginiń qaptaǵan shendileri. Sender osy general degen ataq-shendi qaıta sheship tastaısyńdar-aý. Eger uıattaryń, namystaryń bolsa. Áskerdegi qaıǵy ara-tura emes jıi-jıi bolyp ketti. Uıattaryń, namystaryń bolsa endigi bir nátıje shyǵaratyn boldyńdar ǵoı.
Sondyqtan, QR Qorǵanys mınıstri Rýslan Jaqsylyqov qyzmetten óz erkimen ketýi tıis. Eldiń áskerdegi balasyna áke bola almadyńyz. Jalpy bizdiń áskerı salada soldatqa "qatal áke" bolatyndaı bireý bar ma ózi?”, dep jazdy ol.
