Qazaqstanda öz mındetıne salǧyrt qaraǧan joǧary oryndaryna qatysty 15 sot ısı qaralyp jatyr. Būl turaly QR Ǧylym jäne joǧary bılım ministrı Saiasat Nūrbek aitty, dep habarlaidy “Adyrna” ūlttyq portaly.
Bügın Nūr-Sūltanda ötıp jatqan «Adami kapital - Jaŋa qazaqstan damuynyŋ negızgı resursy» forumynda tılşıler ministrden «diplom taratumen» ainalysatyn joǧary oqu oryndaryna qatysty qandai şaralar qabyldanyp jatqany jaiynda sūrady.
«Būǧan deiın Bılım jäne ǧylym ministrlıgı tek diplom taratumen ainalysyp jürgen JOO-lardy jabu boiynşa auqymdy jūmysty atqardy. Būl baǧyttaǧy jūmystar jalǧasady. Qazırgı kezde 15-ke juyq sot ısı qaralyp jatyr. Degenmen būl universitetter tügeldei jabylady degendı bıldırmeidı», - dedı Saiasat Nūrbek.Ministrdıŋ aituynşa, joǧary bılım salasyndaǧy sapa mäselesıne erekşe män berılıp otyr.
«Ministr retınde bırınşı kezekte bılım sapasyna jauap beremın. Jalpy, barşa bılım beru jüiesı būl ūstanymǧa erekşe nazar audarǧany jön. Eger joǧary oqu orny ministrlık aiqyndaǧan reglamentke sai kelmese, bız būl mäselenı qataŋ baqylauǧa alamyz», - dedı vedomstvo basşysy.
“Adyrna” ūlttyq portaly
Ūqsas jaŋalyqtar
