Elorda áýejaıynda mas jolaýshy “ushaqta bomba bar” dep aıqalap, jurtty dúrliktirdi. Bul týraly Polisia.kz jazdy, dep habarlaıdy «Adyrna» tilshisi.
«21 tamyz saǵat 10.00-de Nur-sultan qalasynyń áýejaıyndaǵy jelilik polıııa bólimine Nursultan Nazarbaev halyqaralyq áýejaıy termınalynyń sterıldi aımaǵynda “TURKISH AIRLINES” avıakompanııasynyń Nur-Sultan – Antalıa áýe reısine jolaýshylardy otyrǵyzý kezinde 44 jastaǵy jolaýshy mas kúıinde birneshe ret aınalasyndaǵylarǵa “ushaqta bomba” dep aıqaılaǵany týraly habarlama kelip tústi. Áýejaıdyń borty men sterıldi aımaǵyna dereý tekserý júrgizildi. Tekserý barysynda qandaı da bir jarylǵysh qurylǵylar men basqa da tyıym salynǵan zattar tabylǵan joq»,– delingen habarlamada.
Atalǵan fakti boıynsha QR Qylmystyq kodeksiniń 273-baby (Terrorızm aktisi týraly kórineý jalǵan habarlaý) boıynsha sotqa deıingi tergeý bastaldy.
QR Qylmystyq kodeksiniń osy babyna sáıkes bes jylǵa deıin bas bostandyǵynan aıyrý kózdelgen. Kúdikti óz kinásin moıyndady. Qazirgi ýaqytta ol Nur-Sultan qalasy PD-nyń ýaqytsha ustaý ızolıatoryna qamaldy.
QR QPK-niń 201-babynyń talaptaryna sáıkes, ózge de málimetter tergeý múddesine oraı jarııa etilmeıdi.
