Mamanmen ótken bir kúnim...

2038
Adyrna.kz Telegram

Árqashan meni ata-anamnyń jumysy qyzyqtyratyn. Qandaı jerde jumys jasaıdy eken dep kóp oılaıtyn edim. 3 maýsym kúni Nazarbaev Zııatkerlik mektebinde 8 synyp oqýshylaryna arnalǵan «1 kún ata-ana jumysynda» atty áleýmettik joba aıasynda anamnyń jumysymen tanysatyn múmkindik týyndady. Anam Týkenova Aıgerım Kanatkyzy AQ «ÓzenMunaıGaz» Korporatıvtik oqý ortalyǵynda «aǵa ınjener» bolyp jumys jasaıdy. Sáıkesinshe men «ınjener kómekshisi» bolyp kómek kórsetken bolatynmyn. Injenerler materıaldardy, qurylymdardy, jáne júıelerdi olardyń tıimdiligi, zańǵa sáıkestigi, qaýipsizdik máselesi jáne baǵasy sebepti týyndaıtyn shekteýlerdi eskere otyryp jobalaıdy.  Anam AQ «ÓzenMunaıGaz» jumysshylary men basshylarynan 3 jylda bir ret daıarlanýǵa jatatyn «Ónerkásiptik qaýipsizdik» jáne «Órt tehnıkalyq mınımým» kýrsy boıynsha emtıhan ótkizedi.Osylaısha arnaıy oqytylatyn kýrstar arqasynda jumysshylar bilimin jańartyp qana qoımaı, alynǵan bilimderi testtileý emtıhandar negizinde bekitiledi.

Jumys barysy birden qyzyp ketti. Kele sala alǵan alǵashqy tapsyrmam kompıýterlerdi testileýge daıyndap qoıý edi. Testtileý emtıhanyna kelgen jumysshylardyń testileýge qosylǵanyn qadaǵalap, qıyndyqtar týsa kómektesý qajet boldy. Emtıhan tapsyrǵan qyzmetker  oqyǵan kýrsy boıynsha zańǵa sáıkes kýálikterin alady.

Túrli qujattarǵa qol qoıǵyzý barysynda 1 kún kózdi ashyp jumǵansha óte shyqty. Osy kún barysynda túrli adamdarmen jumys istep úlgerdim jáne baıqaǵanym  bul men oılaǵandaı ońaı emes eken.  Ár adammen til tabysa bilý kez kelgeniniń qolynan kele bermeıdi dep oılaımyn. Degenmen osy álýmettik joba men úshin jańa tájirbıe boldy. Árbir jumystyń ózindik qıyndyqtary bar ekendigi barlyǵymyzǵy belgili. Sáıkesinshe búgin sál qıyn bolǵanynyń jasyratyny joq.  Jaǵymdy áser jáne qyzyqty ári ózgeshe kún bolǵany sózsiz. Bul tájirbıem bolashaqta paıdaly jaǵyn kórsetip, janymdaǵylarǵa da paıdasyn tıgizedi degen senimdemin.

Hımııa – bıologııa baǵytyndaǵy Nazarbaev Zııatkerlik

Mektebiniń 8D synyp oqýshysy Qazy Dana

Kýratory Aıgerim Qýanthanqyzy

Pikirler