"Syrtta sūrapyl soǧys jürıp jatyr. Al sen qazaq äskerı Otan aldynda boryşyn öteuge barǧan özıŋdei qazaqty beibıt zamanda öz qolyŋmen öltırıp jatyrsyŋ. Dedovşina jasap, özıŋdei jyraqta jürgen beişaranyŋ joq aqşasyn soryp qaluǧa qūmarsyŋ. Būl naǧyz erıkken essızdıŋ, meiırımsız adamnyŋ tırlıgı". Būl pıkırdı belgılı käsıpker Ämır Mäulenov özınıŋ instagram paraqşasynda jariialap, äskerdegı sarbazdarǧa ündeu tastady, dep jazady "Adyrna" ūlttyq portaly.
"Töŋırektegı geosaiasi jaǧdai uşyǧyp tūrǧan kezde äskerde jürgen qazaq jıgıtterı oiyndy qoiu kerek. Qazır bır sät tynyştyq alyp, oilanatyn, bırıgetın şaq. Qysqasy, etek-jeŋımızdı jiyp, miymyzdy qozǧap, jinaqtalatyn uaqyt bolyp tūr. Jasyŋ 20-ǧa kelse de, eldıŋ erteŋın oilai alatyn sanaŋ bolmasa ruhani mügedeksıŋ. Söz süiekten ötedı degen. Janyna batsa, esıŋdı ji! Syrtta sūrapyl soǧys jürıp jatyr. Ana baladan, äke bauyrdan aiyrylyp jatyr. Al sen qazaq äskerı Otan aldynda boryşyn öteuge barǧan özıŋdei qazaqty beibıt zamanda öz qolyŋmen öltırıp jatyrsyŋ. Būl naǧyz erıkken essızdıŋ, meiırımsız adamnyŋ tırlıgı. Dedovşina jasap, qolynnan kelgenın ıstep, özıŋdei jyraqta jürgen beişaranyŋ joq aqşasyn soryp qaluǧa qūmarsyŋ. Janyŋ qinaisyŋ, ölımge itermeleisıŋ. Qysqasy, äskerde temırdei tärtıp bolmai tūr. Tärtıptı ornatatyn da, baqylaityn da basşylyq Qorǧanys ministrı özı baryp baqylamasa da, qolasty komandirlerı öz bölımşısındegı tärtıpke, sarbazdyŋ amandyǧyna jauapty boluy kerek. Qolastyndaǧy eldıŋ balalary bır-bırın tonap, tepkıge alyp, kemsıtıp jatqanyn köre tūra nemqūraily qarau qylmysqa para-par ıs. Aqşa degen tüsınıktı armiiadan bır jola toqtatu kerek. Reforma osydan bastalsyn. Äskerge barǧan ūldyŋ aqşa turaly oilaityn şamasy bolmauy kerek. ", - deidı Ämır Mäulenov.https://youtu.be/mWdR7YLi2RI
"Adyrna" ūlttyq portaly
