Almaty oblysynda turatyn erli-zaıypty balalar úıiniń burynǵy tárbıelenýshilerin kezektese uryp-soǵyp, jumys isteýge májbúrlegen. Bul týraly áleýmettik jelide vıdeo tarady, dep habarlaıdy “Adyrna” ulttyq portaly.
«Zaman ne bolyp ketti? Balalar úıiniń tárbıelenýshilerin kim kóringenge beretin bolǵan ba? Osy balalardyń memlekettiń asyraýshysyna aqsha tólenedi. Olardy eshkim teksermeıdi de! Óıtkeni joǵary jaqpen baılanysy bar ma eken? Myna balalardy uryp-soǵyp, jumysqa jegip jatyr», - deıdi Telegram-arnasyndaǵy vıdeo avtory.
Jazbada balalar 18 jasqa tolǵanda asyraýshyǵa járdemaqy tóleýdi toqtatatyny, al ol óz kezeginde olardy úıinen qýyp jiberetini aıtylǵan. Keıin qamqorshylar balalar úıinen taǵy 3-4 balany alyp ketedi-mis.
Avtor balalardan qaı otbasynda turǵysy keletinin eshkimniń surap jatpaıtynyn aıtady.
Almaty oblystyq polıııa departamentiniń baspasóz qyzmeti 27 tamyzda Ile aýdanynyń qorǵanshylyq jáne qamqorshylyq organdaryna otbasylyq úlgidegi balalar úıiniń tárbıelenýshilerin jıi soqqyǵa jyǵý faktisine qatysty aqparat túskenin habarlady.
«Habarlama túsken bette ıývenaldy polıııa qyzmetkerleri aýdan ákimdiginiń mamandarymen birlesip, tıisti tekserý jumystaryn uıymdastyrdy. Tárbıelenýshiler ýaqytsha «Solnyshko» balalar úıine aýystyryldy», - dep túsindirdi tártip saqshylary.
Atalǵan dereke qatysty materıaldar sotqa joldandy. Erli-zaıyptynyń balalardy qamqorlyqqa alýy nemese ondaı quqyqtan aıyrý týraly sheshimdi arnaıy qurylǵan komıssııa qabyldaıdy.
Vıdeony Telegram arnamyzdan kóre alasyz.
”Adyrna” ulttyq portaly
