Qazaqstan Respublikasy Prezidentı Äkımşılıgınıŋ jäne Kegen audandyq mäslihaty deputattarynyŋ kelısımı boiynşa jäne Almaty oblysy äkımınıŋ ökımımen Nūrbaqyt Moldahmetūly Teŋızbaev Kegen audanynyŋ äkımı qyzmetıne taǧaiyndaldy. Būl turaly Almaty oblysynyŋ äkımdıgımälımdedı, dep habarlaidy “Adyrna” ūlttyq portaly.
Aita keteiık, Nūrbaqyt Moldahmetūly 1983 jyly tuǧan. Ūlty – qazaq, bılımı joǧary.
«Dene şynyqtyru jäne sport»,«keden ısı», «dene şynyqtyru mädenietınıŋ oqytuşysy, küres jattyqtyruşysy», «kölıktı paidalanu jäne tasymaldaudy, qozǧalysty ūiymdastyru» mamandyqtary boiynşa Joǧary oqu oryndarynda bakalavr därejesınde bılım alyp, 2014 jyly «pedagogika ǧylymy» boiynşa magistr därejesın alǧan.
Eŋbek jolyn 2001 jyly Qazaqstan Respublikasynyŋ grek-rim küres federasiiasynyŋ sport-nūsqauşysy bolyp bastaǧan.
Är jyldarda Astana qalasyndaǧy Ūlttyq ştattyq komandalar jäne sport rezervı direksiiasynyŋ grek-rim küresınen sport-nūsqauşy, Qazaqstan Respublikasynyŋ Işkı ıster organdarynda, Almaty qalasynyŋ dene şynyqtyru jäne sport basqarmasynyŋ № 12 olimpiadalyq rezervtegı mamandandyrylǧan balalar men jasöspırımder mektebınıŋ ädıskerı, direktordyŋ oqytu-sport jūmystary boiynşa orynbasary, Almaty oblystyq joǧary sport şeberlıgı mektebınıŋ direktory. sonymen qatar Panfilov audanynyŋ maslihat deputaty qyzmetterın atqarǧan.
Ol 2018 jyldyŋ qazan aiynan osy kezge deiın Almaty oblysynyŋ dene şynyqtyru jäne sport basqarmasy basşysy lauazymyn atqaryp keldı.
Nūrbaqyt Moldahmetūly grek-rim küresınıŋ paluany, jastar arasynda älem chempiony (Stambul, 2003 jyl), 2008 jylǧy Beijıŋ Olimpiadasynyŋ kümıs jüldegerı, 2009 jylǧy Älem chempionatynyŋ qola jüldegerı, Aziianyŋ ekı dürkın chempiony, Qazaqstannyŋ eŋbek sıŋırgen sport şeberı.
«Qūrmet» ordenınıŋ iegerı.
Ūqsas jaŋalyqtar
