Almaty oblysynda 17 jastaǧy jıgıttı atyp ketken küdıktıler ūstaldy. Būl turaly ışkı ıster ministrlıgınıŋ Telegram-arnasy jariialady, dep habarlaidy “Adyrna” ūlttyq portaly.
Mälımet boiynşa, 5 tamyzda Eŋbekşıqazaq audanyndaǧy Bäidıbek Bi auylynda tünde oquşylar arasynda töbeles boldy. Sol kezde myltyqtan oq atyldy. Bır üidıŋ aulasynda 17 jastaǧy jasöspırımnıŋ mäiıtı tabyldy. Denesınde oq jaraqaty bolǧan.
Ol myltyq ūstalǧandardyŋ bırınıŋ äkesıne tiesılı. Qazırgı uaqytta 9 küdıktı uaqytşa qamau izoliatoryna toǧytyldy, - deidı poliseiler.
Qylmystyq kodekstıŋ 99-baby 9-tarmaǧynyŋ 2-bölıgı (Adam öltıru) boiynşa sotqa deiıngı tergeu şaralary bastaldy. Sot-medisinalyq saraptamalar taǧaiyndaldy.
Sondai-aq, Qylmystyq kodekstıŋ 293 – baby (Būzaqylyq) boiynşa jauapqa tartylǧandar bar.
Adam öltıru baby boiynşa on bes jyldan jiyrma jylǧa deiingi merzimge bas bostandyǧynan aiyru ne ömir boiyna bas bostandyǧynan aiyru jazasy qarastyrylǧan.
