Almaty oblysynda 77 jastaǧy zeinetker äielge küş qoldanǧan uchaskelık polisei qyzmetınen bosatyldy, dep habarlaidy "Adyrna" ūlttyq portaly oblystyq polisiia departamentınıŋ baspasöz qyzmetıne sıltep.
Būǧan deiın äleumettık jelıde poliseidıŋ qart äieldı päterden küştep şyǧaryp jatqan sätı beinelengen video taraǧan bolatyn. Kadrlarda er adamnyŋ äieldı iterıp jıberıp, onyŋ baspaldaq tūtqasyna soǧylǧany baiqalady. Saldarynan keiuananyŋ bırneşe qabyrǧasy synǧan.
Polisiia departamentınıŋ mälımetınşe, būl derek boiynşa qyzmettık tekserıs jürgızılıp jatyr. Tekseru nätijesınde tärtıp būzǧan inspektor ışkı ıster organdarynan şyǧarylǧan.
"Mūndai äreketterge jol berılmeidı. Azamattardyŋ senımın joǧaltyp, polisiia bedelın tüsıretın qyzmetkerlerge IIO qatarynda oryn joq jäne bolmaidy", — delıngen vedomstvo habarlamasynda.
Sonymen qatar, oqiǧa kezınde sol jerde bolǧan taǧy ekı polisiia qyzmetkerı men olardyŋ basşylyǧyna qatysty şeşım tekseru aiaqtalǧan soŋ qabyldanady.
Aita keteiık, būǧan deiın Abai oblysynda öz qyzmetkerlerın rogatkamen atqan polisiia bastyǧy da jūmystan quylǧan bolatyn.
“Ne masqara”: Jurnalistke auruhananyŋ mının aityp sūhbat bergen taksi jürgızuşısıne keşırım sūratqan
