22 tamyzda Şamalǧan auylynyŋ maŋynda, Qarasai audanynyŋ memlekettık jer qorynyŋ aumaǧyndaǧy tauly jerde şamamen 10 gektar aumaqta qūrǧaq şöp pen būtalar örtendı. Būl turaly oblystyq TJD baspasöz qyzmetı rastady, dep habarlaidy "Adyrna".
Aqparatqa säikes, jergılıktı jerde ıs-qimyldy üilestıru üşın jedel ştab ūiymdastyryldy.
"Örttı söndıruge Almaty oblysy TJD, Almaty qalasy TJD, 28237 äskeri bölımınıŋ, sondai-aq jergılıktı atqaruşy organdardyŋ küşterı men qūraldary tartyldy. Barlyǧy 81 adam jäne 12 bırlık tehnika oqiǧa ornynda jūmys ıstep jatyr. Jaǧdai baqylauda", delıngen habarlamada.
Qūtqaruşylar tötenşe jaǧdailar kezınde 101 jäne 112 nömırlerıne qoŋyrau şaluǧa şaqyrady.
Ūqsas jaŋalyqtar
