Almaty oblysynda mektep tülekterı otyrǧan avtokortej jol erejesın öreskel būzdy. Būl oqiǧa Ülken Almaty ainalma avtomobil jolynda bolǧan, dep habarlaidy “Adyrna” ūlttyq portaly.
Äleumettık jelıde taraǧan beinejazbada kölıkterdıŋ joldy jauyp, oŋdy-soldy jürıp, qozǧalysqa kedergı keltırgenı anyq körınedı.
Almaty oblysy polisiia departamentınıŋ mälımetınşe, zaŋ būzǧan kortejdıŋ barlyq qatysuşysy anyqtalyp, ūstalǧan.
“Kölıkter arnaiy avtotūraqqa qoiyldy. Kämeletke tolmaǧan jolauşylardyŋ ata-analary da öz mındetterın tiıstı türde oryndamaǧany üşın jauapqa tartylady. Polisiia azamattardy jol erejelerın saqtauǧa jäne balalardyŋ ömırı men densaulyǧyna qauıp töndırmeuge şaqyrady”, — dep habarlady departamentten.
Qūqyq qorǧau organdary oqiǧaǧa qatysty 17 zaŋ būzu deregı boiynşa materialdardy sotqa joldaǧan. Olardyŋ qatarynda qauıpsızdık beldıgın taqpau, qozǧalys erejelerın öreskel būzu jäne apatty jaǧdai tuǧyzu derekterı bar.
Polisiia departamentı mektep bıtıru şaralaryn ötkızu kezınde jol qauıpsızdıgın saqtaudyŋ maŋyzdylyǧyn eske salyp, ata-analar men jürgızuşılerdı jauapkerşılık tanytuǧa şaqyrdy.
Ūqsas jaŋalyqtar
