«Amanat» komissiiasy Qaŋtar oqiǧalaryna qatysuşylarǧa bır rettık raqymşylyq jasau turaly Prezident Joldauyna bailanysty arnaiy mälımdeme jasady, dep habarlaidy «Adyrna» tılşısı.
«Qūrmettı Qazaq elı! Özderıŋızge mälım, Qaŋtar oqiǧalaryna bailanysty qūrylǧan «Amanat» komissiiasy künı bügınge deiın jazyqsyz qamalǧan azamattardy bosatumen ainalysyp keldı. Osy segız aidyŋ ışınde ūzyn sany 500-den asa azamat bızdıŋ komissiiamyzdyŋ tıkelei aralasuymen bostandyqqa şyqty. Bıraq, komissiia tek jazyqsyz azamattardy şyǧarudy ǧana öz aldyna maqsat etıp qoimady. Osy uaqyt ışınde jüzdegen qamalǧandarmen tıldesıp, taǧdyrlaryna üŋılıp, bolǧan jaǧdaidy äbden saralap, zerttep, qaŋtar oqiǧalaryna qatysuşylarǧa tūtas raqymşylyq jasau jönındegı ūsynysymyzdy Prezident atyna joldaǧan bolatynbyz. Bızdı qoldap, senım artyp, ūldarynyŋ taǧdyryn amanat etken halyqtyŋ ümıtın aqtau bız üşın eŋ basty mındet boldy! Bügın, körıp otyrǧanyŋyzdai, osy bır ūsynysymyz eŋ joǧarǧy deŋgeide qoldau tauyp, qaŋtar oqiǧalaryna qatysyp, qapasqa qamalǧan azamattarymyzǧa qatysty bır rettık raqymşylyq jasau jaiynda tiıstı şeşım qabyldanǧany Prezident auzymen Parlament qabyrǧasynda qalyŋ elge jariialandy. Myŋdaǧan janǧa quanyş syilaǧan būl süiınşı habardy bız ädılettıŋ saltanat qūruy, gumanizm aktısı dep qabyldaimyz! Būl — «Amanat» komissiiasy jūmysynyŋ şeşuşı qorytyndysy, bıraq,jūmysymyz būnymen aiaqtalmaidy, aldaǧy uaqytta komissiiamyz raqymşylyq turaly zaŋnyŋ jasaqtaluyna, qoldanyluyna qatysty zaŋ oryndarymen bırlese jūmystanatyn bolady. Bız öz atymyzdan jäne qaŋtar oqiǧalaryna qatysty qamauda bolǧan azamattar men olardyŋ tuma-tuystarynyŋ atynan Memleket bolaşaǧyn eskerıp, adamdar taǧdyryna qatysty osyndai ädıl şeşım qabyldaǧany üşın Prezident Qasym-Jomart Toqaevqa ülken alǧys aitamyz!»— delıngen habarlamada.
