«Jaŋa Qazaqstan» deputattyq toby elordanyŋ būrynǧy atauyn qaitarudy ūsyndy, dep habarlaidy “Adyrna” ūlttyq portaly.
Odan bölek Deputat Edıl Jaŋbyrşin tömendegı talaptardy atap öttı:Qūrmettı ärıptester!
Qadırlı qauym!
Memleket basşysy Qasym-Jomart Kemelūly Toqaev 1 qyrküiekte halyqqa Joldauyn jariialap, tyŋ bastamalar köterdı. Sonyŋ ışınde, biylǧy küzde kezekten tys Prezident sailauyn ötkızu turaly aitty.
Būl ūsynys sarapşylar ǧana emes, bükıl qoǧam tarapynan qyzu pıkır-talas tudyryp jatyr. Ony Parlament Mäjılısındegı «Jaŋa Qazaqstan» deputattyq tobynyŋ müşelerı de talqylady. Osyǧan orai oiymyzdy ortaǧa saludy jön kördık.
Bırınşı. Biyl elımızde konstitusiialyq reforma qolǧa alyndy. Jaŋa, Ädılettı Qazaqstan qūramyz, «Ekınşı Respublika» modelıne köşemız dep jariialadyq. Memlekettık jüienı, sonyŋ ışınde memleket basqaru ısın jaŋǧyrtu qajet ekenı dausyz. Iаǧni, būl – demokratiialyq basqaru modelıne köşuge jol aşatyn bastama. Sondyqtan, qaita sailanu qūqyǧynsyz 7 jyldyq bır merzımdı engızu dūrys bastama. Eşkım Prezident bilıgın ūzaq jyldar boiy iemdenbeidı. Būl elımızdıŋ superprezidenttık bilıkten tolyq ketkenımızdı bekıte tüsedı.
Ekınşı. Qazır älemdegı keibır elderde memleket basşysynyŋ ökılettıgın ūzartu boiynşa bastamalar köterılıp jatqan tūsta, bızdıŋ elımızde kerısınşe Prezident ökılettıgın qaita sailanu qūqyǧynsyz 7 jyldyq bır merzımmen şekteu – elımızdıŋ demokratiialyq baǧytty berıkūstanǧanyn körsetedı.
Üşınşıden, eger Prezident kezekten tys sailauda 5 jylǧa sailanyp, sodan soŋ 7 jyldyq merzımdı engızetın bolsa, onda qazırgı Prezidenttıŋ üşınşı merzımge sailanuyna qūqyqtyq negızder paida boluy mümkın degen ärtürlı alyp-qaşpa pıkır aityluda.
Sondyqtan qazırgı Prezident 5 jyldan keiın taǧy da 7 jylǧa baruy mümkın degen kümändı seiıltu üşınbiyl bırden 7 jyldyq merzımge sailanǧany dūrys bolar edı dep oilaimyz. Sonda atalǧan qūqyqtyq kolliziia tuyndamaidy.
Onyŋ üstıne, Memleket basşysy kezekten tys sailau ötkızbei, ekı merzımge sailansa da, biyl kezekten tys sailauda 7 jylǧa sailansa da, onyŋ ökılettık merzımı 2029 jyly aiaqtalady. Iаǧni qazırgı Prezident merzımınıŋ ūzaqtyǧy özgerıssız qalady.
Törtınşı. Bız, būrynǧy jüienı qalyptastyrǧan saiasi küşterdıŋ, yqpaldy top ökılderınıŋ bilıkke ūmtylyp otyrǧanyn ūmytpauymyz qajet. Prezidenttıŋ qazır sailau ötkızıp jäne jetı jyl merzımge sailanuy memleketımızdıŋ qauıpsızdıgı men tūraqtylyǧyn qamtamasyz etuge mümkındık beredı. Ol jaŋa inkliuzivtı azamattyq qoǧam qūruǧa mümkındık alady.
Osy jaǧdailardyŋ bärın eskere otyryp, «Jaŋa Qazaqstan» deputattyq toby mynadai mälımdeme jasaidy:
Bırınşıden, bız Qazaqstan Respublikasy Prezidentın jetı jylǧa bır merzımge sailau bastamasynqoldaimyz.
Ekınşıden, Konstitusiiaǧa özgerısterdı qazır engızıp, Prezident sailauyn jaŋa talaptarǧa säikes osy jyldyŋ küzınde ötkızu qajet dep sanaimyz.
Jalpy, būl memlekettık basqaru jüiesın jaŋǧyrtyp, elımızdı ornyqty damytuǧa jol aşatyn maŋyzdy qadam.
Üşınşıden, Konstitusiiamyzǧa özgerıs engızetın bolsaq, onda osy mümkındıktı paidalana otyryp, Ata Zaŋǧa taǧy bır asa maŋyzdy mäselenı engızu kerek. Ol – elordanyŋ atyn qaita qaitaru. Adamnyŋ közı tırısınde qalaǧa onyŋ esımın bergen dūrys dep eseptemeimız jäne de qalanyŋ jaŋa atauyn halyqta qabyldamady.
Sondyqtan Tūŋǧyş Prezidenttıŋ özı ūsynǧan Astana atauyn qaita qalpyna keltıru tarihi ädıldık bolar edı.
Būl Tūŋǧyş Prezidenttıŋ bas qalamyzdyŋ qūrylysyn saldyrudaǧy eŋbegın de baǧalau jäne halqymyzdyŋ ūsynys-pıkırın de eskeru.
Qadırlı aǧaiyn!
Qai zamanda da el basyna kün tuǧanda, halqymyz bır basşynyŋ ainalasyna toptasyp, qiyndyqtardan da, synaqtardan da aman-sau şyqqan.
Qazaqta «Altau ala bolsa auyzdaǧy ketedı, törteu tügel bolsa töbedegı keledı» degen jaqsy söz bar. Qazır – arazdasatyn uaqyt emes, bırıgetın uaqyt, talasatyn uaqyt emes, tatulasatyn uaqyt!
Sondyqtan barşa közı aşyq, kökıregı oiau azamattarymyz bırlesıp, Otanymyzdy aldaǧy synaqtardan abyroimen alyp şyǧaiyq!
”Adyrna” ūlttyq portaly
