Qostanai oblysynyŋ Äulieköl audanynda orman örtın söndıru jūmystary jalǧasuda, dep jazady "Adyrna" ūlttyq portaly.
QR Tötenşe jaǧdailar ministrlıgınıŋ jedel ştabynyŋ habarlauynşa, örttı söndıruge 91 bırlık tehnika, 3 äue kemesı, 5 ört poiyzy, jeke qūramnyŋ 600 adamy jūmyldyryldy: TJM - 40 bırlık tehnika, jeke qūramnyŋ 261 adamy, suaǧar qūrylǧylary bar 2 tıkūşaq (Qostanai, Aqmola, Soltüstık Qazaqstan oblystarynyŋ TJD, 52859 ä/b (Qaraǧandy q.) IIM jeke qūramnyŋ 33 adamy; IIM ŪŪ (Ä/B 6697) - 150 adam, 14 bırlık tehnika; Qorǧanys Ministrlıgı jeke qūramynyŋ 20 adamy; Orman şaruaşylyǧy-32 bırlık tehnika, 83 adam orman küzetı; "Qazaviaormanqorǧan" RMQK - 12 adam, 2 bırlık tehnika, 1 äue kemesı; JAO - 3 tehnika bırlıgı, jeke qūramnan 20 adam; "QTJ" AQ - 5 ört söndıru poiyzy (21 adam).Su aǧyzu qūrylǧylary üşın sudy 25 km qaşyqtyqta ornalasqan tabiǧi su qoimasynan aluda. Örttı söndıruge 21 ret sudy şaşu jürgızıldı.
Amanqaraǧai auylyndaǧy (äkımşılık ǧimarat) jäne Lesnoe auylyndaǧy mūnai bazasynyŋ aumaǧyndaǧy örtter söndırıldı. Ot benzin tielgen rezervuarlar men dizel otyndaryna köşken joq. Amanqaraǧai jäne Ozernoe auyldaryndaǧy örtter oqşaulandy, qazırgı uaqytta jeke oşaqtardy söndıru jūmystary jürgızılude. Tūrǧyndar men ört söndıruge qatysuşylar arasynda qaza bolu jaǧdailary tırkelgen joq. 10 adam (5 tūrǧyn, onyŋ ışınde bır kämeletke tolmaǧan adam, 1 orman şaruaşylyǧynyŋ qyzmetkerı, 1 äkımdıktıŋ qyzmetkerı, 3 TJM qyzmetkerı) jeŋıl jäne ortaşa auyrlyqtaǧy jaraqat, küiık alyp, ulandy. Olardyŋ 4-euı ortalyq audandyq auruhanada, 6-y tekseruden keiın jäne kömek körsetılgennen keiın üilerıne jıberıldı.Jaǧdaidyŋ jaqsaruyna bailanysty R-36 respublikalyq maŋyzy bar avtojolyndaǧy qozǧalys jäne temır jol (poezdar) boiynşa poezdar qozǧalysy tolyq kölemde qaita jandandy (№82, 43, 51, 37, 622 poezdar, barlyǧy-908 jolauşy). «Qazgidromet» RMK derekterı boiynşa 4 qyrküiekte Qostanai oblysynyŋ Äulieköl audanynda joǧary temperatura 28 gradusqa deiın, jeldıŋ jyldamdyǧy sekundyna 9 metrge deiın saqtalady. Aita keteiık, 3 qyrküiek künı meteorologiialyq jaǧdaidyŋ kürdelenuıne bailanysty, onyŋ ışınde aua temperaturasynyŋ 36 gradusqa, jeldıŋ jyldamdyǧy 23 metrge deiın köterılıp, ört aumaǧy 9 400 gektardan asty. Äulieköl audanyndaǧy orman alqabynyŋ jalpy audany 40 000 ga.
Amanqaraǧai, Novonejinka, Kalinino, Lesnoe, Ozernoe eldı mekenderıne qauıp töndı. Halyqtyŋ qauıpsızdıgın qamtamasyz etu maqsatynda Ozernoe auylynan (250 adam) jäne Amanqaraǧai auylynyŋ soltüstık bölıgınen (1000 adam), Kalinino auylynan (228 adam), Lesnoe auylynan (363 adam) jalpy barlyǧy 1841 adam evakuasiialandy. Jergılıktı atqaruşy organdar evakuasiialanǧan adamdardy Äulieköl orta mektebı men Äulieköl mektep-internatyna ornalastyrudy ūiymdastyrdy.TJ ministrlıgı men TJ departamentınde jedel jelı aşyldy, psihologtarynyŋ jūmysy ūiymdastyryldy. Qostanai oblysynyŋ äkımdıgı jergılıktı auqymdaǧy tötenşe jaǧdaidy jariialau mäselesın pysyqtauda.
3 qyrküiek saǧat 16.00-den bastap Ozernoe s. (8 tūrǧyn üi, 1 äkımşılık ǧimarat), Lesnoe s. (1 tūrǧyn üi), Amanqaraǧai s. (98 tūrǧyn üi jäne şaruaşylyq qūrylystar), Amanqaraǧai mūnai bazasynyŋ aumaǧyna örttıŋ köşuı tırkeldı. Qazırgı uaqytta ört 108 qūrylysty joiyp, zaqymdady. Bügın Qostanai oblysyna Nūr-Sūltan qalasynyŋ TJD jeke qūramynan 15 avtosisterna, 2 vahtovka, 1 qyzmettık avtomobil, 98 jeke qūram, sondai-aq Almaty q. suaǧyzu qūrylǧylary bar TJM-nıŋ 2 tıkūşaǧy retınde qosymşa küşter men qūraldar keledı.Qazırgı uaqytta jaǧdaidy baǧalau üşın äueden barlau jürgızılude. Äue barlauynyŋ qorytyndysy boiynşa küşter men qūraldar orman alqabyndaǧy ört oşaqtaryn söndıruge jäne eldı mekenderdı qorǧauǧa baǧyttalatyn bolady.
"Adyrna" ūlttyq portaly
