Halyk Bank Qostanai oblysynda örtenıp ketken üilerdıŋ tūrǧyndaryna är otbasyna 1 mln teŋge kölemınde aqşalai kömek jıberedı, dep jazady "Adyrna" ūlttyq portaly.
Üiınen airylǧan adamdar küş jinap, alǧan qarajatyn eŋ qajettısıne – tūrǧyn üidı jalǧa aluǧa, kiım-keşek, tamaq jäne qajettı tauarlar satyp aluǧa jūmsauǧa mümkındık alady.
Sonymen qatar, bank basşylyǧy janyp ketken üilerdıŋ barlyq ielerıne Halyk Bank-tegı qoldanystaǧy kreditterın jabu turaly şeşım qabyldady.
"Bank basşylyǧy men ūjymy Ozernoe, Lesnoe, Amanqaraǧai auyldarynyŋ barlyq ört saldarynan zardap şekken tūrǧyndaryna şynaiy janaşyrlyq bıldıredı jäne olardyŋ ömırlerı jaqyn arada üirenşıktı arnaǧa oralady degen ümıtın bıldıredı", - delıngen habarlamada.
"Adyrna" ūlttyq portaly
