QR Tötenşe jaǧdailar ministrlıgı Qostanai oblysyndaǧy qazırgı ahualǧa qatysty soŋǧy mälımetterdı jariialady, dep jazady "Adyrna" ūlttyq portaly
6 qyrküiektegı saǧat 08.00 boiynşa jedel aqparatqa säi eldı-mekenderge qauıp tönıp tūrǧan joq.
«Jalyndap janyp jatqan uchaskeler joq, qaldyq ot oşaqtaryn söndıru jūmystary jürgızılıp jatyr. Ärbır eldımekende (Amanqaraǧai, Lesnoe, Ozernoe, Baǧanaly jäne Kalinino auyldary audanynda) qarauyldau ūiymdastyryldy. Jeŋıl jauynnyŋ arqasynda aua ylǧaldyǧy küşeidı. Saǧat 7:30 bastap ört aumaǧyna ūşu jūmystary jürgızılıp jatyr», - delıngen TJM habarlamasynda.Örtten barlyǧy 91 tūrǧyn üi zardap şektı: 85 Amanqaraǧai auylynda jäne 6 Ozernyi auylynda ornalasqan. Örttı söndıruge qūramynda 224 bırlık tehnika, 6 äue kemesı, 5 ört söndıru poiyzy, jeke qūramnyŋ 2193 adamy bar TJM, IIM, ŪŪ, Qorǧanysminı, JAO jäne oblystyŋ kommunaldyq qyzmetterınıŋ küşterı men qūraldary jūmyldyryldy.
«11 adam (halyqtyŋ 6 adamy, onyŋ ışınde bır kämeletke tolmaǧan adam, orman şaruaşylyǧynyŋ 1 qyzmetkerı, äkımdıktıŋ 1 qyzmetkerı, TJM 3 qyzmetkerı) jeŋıl jäne ortaşa auyrlyqtaǧy jaraqat alyp, küiık şaldy, sondai-aq ulanyp qalǧandar bar, 1935 jyly tuǧan bır adam qaza tapty», - delıngen habarlamada.Aita keteiık, 4 qyrküiekte ört aumaǧy 43 myŋ gektardan asty, orman şaruaşylyǧynyŋ jalpy audany - 107 257 ga. TJM jedel jelısı jūmys ısteidı, TJM men Qostanai oblysynyŋ TJD psihologtarynyŋ jūmysy ūiymdastyryldy. TJM jedel jelısıne aqparattyq sipattaǧy 37 qoŋyrau kelıp tüsken. Äulieköl audanynyŋ evakopunktınde jetı psiholog şūǧyl psihologiialyq kömek körsetedı. 57 adamǧa konsultativtık kömek körsetıldı jäne toptyq jūmys formatymen 45 bala qamtyldy. Ört söndıru jūmystary jalǧasyp jatyr.
"Adyrna" ūlttyq portaly
