Tuńǵysh Prezıdent kúni memlekettik demalys kúnderinen alynyp tastalýy múmkin. Májilis depýtattary bul kúndi Qazaqstanda memlekettik mereke mártebesinen aıyrýdy usynyp otyr, dep jazady "Adyrna" tilshisi.
«Qazaqstan Respýblıkasynyń keıbir zańnamalyq aktilerine kınematografııa jáne mádenıet máseleleri boıynsha ózgerister men tolyqtyrýlar engizý týraly» zań jobasynda osyndaı tarmaq bar. Ol 7 qyrkúıekte Májilistiń otyrysynda qaralady.
«1 jeltoqsan – Tuńǵysh Prezıdent kúnin merekeleýdi memlekettik rámizder kúni, Alǵys aıtý kúni sııaqty ataýly kúnderge jáne memlekettik merekelerden alyp tastap, áleýmettik mańyzy joǵary áleýeti joǵary basqa da datalarǵa uqsas etip belgileý usynylady», - delingen zań jobasynda.
Eske salaıyq, 1 jeltoqsandy memlekettik mereke – Tuńǵysh Prezıdent kúni retinde belgileıtin zań 2011 jyly jeltoqsanda qabyldanǵan bolatyn. Bul kún kezdeısoq tańdalǵan joq - 1991 jyly 1 jeltoqsanda Nazarbaev alǵashqy halyqtyq saılaýda Qazaqstannyń prezıdenti bolyp saılandy.
"Adyrna" ulttyq portaly
