«Egemen Qazaqstan» RG» JShS Bas dırektory laýazymyna Dıhan Qamzabekuly taǵaıyndaldy, dep habarlaıdy «Adyrna» tilshisi.
Dıhan Qamzabekuly 1966 jyly 19 maýsymda Ońtústik Qazaqstan oblysy Túlkibas aýdanynda dúnıege kelgen. Abaı atyndaǵy Qazaq memlekettik pedagogıka ınstıtýtyn qazirgi Abaı atyndaǵy Qazaq ulttyq pedagogıka ýnıversıtetin támamdaǵan.
Fılologııa ǵylymdarynyń doktory, professor, memlekettik «Daryn» Jastar syılyǵynyń, Qazaqstan Respýblıkasy Jýrnalıster odaǵynyń Sultanbek Qojanuly atyndaǵy syılyǵynyń, Qazaqstan Respýblıkasy Prezıdenti stıpendııasynyń ıegeri, QR UǴA akademıgi.
1990-1996 jyldary Qazaqstan Respýblıkasy Ulttyq Ǵylym akademııasy Muhtar Áýezov atyndaǵy Ádebıet jáne óner ınstıtýtynyń ǵylymı qyzmetkeri bolyp eńbek jolyn bastady.
1996-2000 jyldary L.N.Gýmılev atyndaǵy Eýrazııa ýnıversıteti Qazaq ádebıeti kafedrasynyń meńgerýshisi, 2000-2001 jyldary L.N.Gýmılev atyndaǵy Eýrazııa ýnıversıtetiniń aǵa ǵylymı qyzmetkeri, 2001-2004 jyldary Qazaq ulttyq Mýzyka akademııasy Til jáne ádebıet kafedrasynyń meńgerýshisi, 2004-2005 jyldary L.N.Gýmılev atyndaǵy Eýrazııa ulttyq ýnıversıteti Gýmanıtarlyq ınstıtýtynyń dırektory qyzmetterin atqarǵan. 2005 jyldan bastap L.N.Gýmılev atyndaǵy ulttyq Eýrazııa ýnıversıtetiniń oqý-ádistemelik jumys jónindegi prorektory, ýnıversıtet janyndaǵy «Alash» mádenıet jáne rýhanı damý ınstıtýtynyń dırektory bolyp qyzmet etken.
«Adyrna» ulttyq portaly Dıhan Qamzabekulyn jańa qyzmetimen quttyqtap, sáttilik tileıdi!
