Sybailas jemqorlyqqa qarsy qyzmet Gülmira Satybaldyǧa, onyŋ baqylauyndaǧy «Ariia-Jaŋa Astana» JŞS kompaniiasynyŋ basşylyǧyna jäne memlekettık organdardyŋ lauazymdy tūlǧalaryna qatysty obektılerdı saluǧa bölıngen biudjet qarajatyn jymqyru faktılerı boiynşa tergeudı jalǧastyryp jatyr. Būl turaly Sybailas jemqorlyqqa qarsy ıs-qimyl Agenttıgı jariialady, dep habarlaidy “Adyrna” ūlttyq portaly.
Bırneşe nysan boiynşa ıs jüzınde oryndalmaǧan qūrylys-montajdau jūmystaryna aqy töleu nätijesınde memleketke jalpy somasy 3,9 miliard teŋgege asa ırı mölşerde zalal keltırıldı.
Tergeu satysynda qabyldanǧan şaralardyŋ nätijesınde memleketke keltırılgen zalal tolyq ötelgen.
«Sonymen qatar, G.Satybaldy men onyŋ senımdı tūlǧalaryna qatysty bırqatar käsıporyndardyŋ qatysu ülesterı men aktivterın zaŋsyz ielenu, adamdy ūrlau jäne bas bostandyǧynan zaŋsyz aiyru faktılerı boiynşa tergeu jürgızılude. Jäbırlenuşılerge keltırılgen zalaldyŋ aldyn ala somasy 6,6 miliard teŋgeden asady», - delıngen Antikor habarlamasynda.Küdıktı adamdar küzetpen ūstalyp, tergeu jalǧasuda. Eske salaiyq, 17 nauryzda Sybailas jemqorlyqqa qarsy qyzmet Qairat Satybaldyūlyna, onyŋ būrynǧy jūbaiy Gülmira Satybaldyǧa jäne basqa da tūlǧalarǧa qatysty biznestı reiderlık basyp alu faktısı boiynşa sotqa deiıngı tergeudı bastady. 16 nauryzda G.Satybaldy QR Qylmystyq-prosestık kodeksınıŋ 128-baby boiynşa ūstalyp, Nūr-Sūltan qalasynyŋ uaqytşa ūstau izoliatoryna qamalǧan bolatyn.
”Adyrna” ūlttyq portaly
Ūqsas jaŋalyqtar
