Qaırat Satybaldynyń (eks-prezıdent Nursultan Nazarbaevtyń nemere inisi) burynǵy áıeli Gúlmıra Satybaldyǵa qatysty is sotqa jiberildi, dep habarlaıdy "Adyrna" ulttyq portaly sybaılas jemqorlyqqa qarsy agenttiktiń aqparatyna siltep.
«Agenttik G.Satybaldy men basqa da adamdarǵa qatysty kásipkerdi zańsyz bas bostandyǵynan aıyrý, asa iri mólsherde bopsalaý jáne aýyr zardaptarǵa ákep soqqan ózin-ózi basqarý kúdigi boıynsha tergeýdi aıaqtady», - delingen beısenbi kúni taratqan habarlamada.
Qazirgi ýaqytta proeske qatysýshylar qylmystyq is materıaldarymen tanysýdy aıaqtady.
«Almaty qalasy tergeý sotynyń sankııasymen G.Satybaldyǵa qatysty «qamaýda ustaý» túrindegi bultartpaý sharasy tańdaldy. Qylmystyq isti jiti qaraý úshin Almaty qalasynyń qylmystyq ister jónindegi mamandandyrylǵan aýdanaralyq sotyna jiberildi», - dep túsindirdi Antıkor.
Eske salsaq, Gúlmıra Satybaldy Ýnıversıada-2017 nysandaryn jóndeýge jumsalǵan qarajatty jymqyrý, reıderlik jáne adam urlaý isterimen aıyptalýda. Sonymen qatar, ol 2023 jyldyń 30 maýsymynda Qyzylordada 441 mıllıon teńge kóleminde shyǵyn keltirgeni úshin taǵy segiz jylǵa sottaldy.
