Qaraǵandy men Pavlodar oblystary shektesetin tusta Tórtkól, Qyzyltaý, Satpaı aýylynyń shóp shabar oryndary úsh kún boıy órtengen. Órt 7 qyrkúıek túnde toqtady. Buhar jyraý aýdanyndaǵy Belaǵash orman qojalyǵy, Aqóre, Semizbuǵy degen jerler túgel janyp ketti, dep habarlaıdy “Adyrna” ulttyq portaly.
Órtti sóndirý úshin bes-alty órt sóndirý mashınasy, 200 adamdaı eriktiler jumyldyryldy. Qalyń órttiń ortasynda Baıanaýyl aýdanynyń ákimi de júripti.
Aýyl turǵyndarynyń aıtýynsha sol kúnderi jeldiń soǵysy jyldam bolǵan. Alaıda oǵan qaramastan, 40 jyldyq, Jaıaý Musa, Qanysh Sátbaev, Murymtal, Teńdik aýyldarynan eriktiler jumylyp, órt sóndiripti. Aýyl áıelderi tamaq ázirlep, eriktilerdi qoldaǵan. Jedel jerdem kólikteri de oqıǵa ornynan alystamady.
”Adyrna” ulttyq portaly
