Almaty oblysynda shetelik ınvestorlardyń qatysýymen 1,3 mıllıard dollar somasyna 19 joba júzege asyrylýda. Bul týraly Almaty oblysynyń ákimi Marat Sultanǵazıev beınekonferenııa baılanysy rejıminde ótken «QR – QHR yntymaqtastyǵy boıynsha Dostyq dıalog» telekópiri barysynda málimdedi, dep habarlaıdy " Adyrna" portaly.
Belgili bolǵandaı, Almaty oblysy álem boıynsha 97 elmen saýda yntymaqtastyǵyn júrgizýde. 2022 jyldyń 7 aıynda oblystyń eksport aınalymy — 179,9 mln AQSh dollaryn qurady.
Budan basqa, 6 500 — ge jýyq jumys ornyn qura otyryp, sheteldik ınvestorlardyń qatysýymen 1,3 mlrd, AQSh dollary somasyna shamamen 19 joba, onyń ishinde ınvestıııalar somasy-94,5 mlrd. teńge bolatyn 350 jumys ornyn qurýmen «Jetisý Volframy» JShS – «Buǵyty» volfram ken ornyn ónerkásiptik ıgerý sııaqty Qytaı ınvestıııalarynyń qatysýymen jobalar iske asyrylý satysynda, «Jetiózenniń qýaty» JShS — ınvestıııa somasy 37,4 mlrd.teńgeni quraıtyn 60 MVt – tyq «Shelek» jel elektr stanııasy, onda 30 jumys ornyn qurý josparlanýda.
«Almaty oblysy men Qytaı Halyq Respýblıkasy arasyndaǵy ekonomıkalyq qatynastardyń qazirgi jaǵdaıy jańa birlesken jobalardy iske asyrý boıynsha úlken múmkindikter ashady.Búgingi kúni logıstıka, týrızm, aýyl sharýashylyǵy, jańartylatyn energııa kózderi, óńdeý ónerkásibi, qurylys materıaldaryn óndirý jáne farmaevtıka syndy ekonomıkanyń salalary óńirdi damytýdyń basym baǵyttary bolyp tabylady. Qazaqstan Respýblıkasynyń ońtústik-shyǵysynda ornalasqan oblystyń QHR – men jalpy shekarasy 300 km-den astam jáne «Uly Jibek joly» ótetin Respýblıkanyń tórt oblysynyń biri, «Batys Eýropa-Batys Qytaı» halyqaralyq mańyzy bar avtomobıl dálizi bolyp tabylady. Eldiń eń iri megapolısi – Almaty qalasynyń aınalasynda aglomeraııa qurylýda, onda negizgi ónerkásip pen halyq shoǵyrlanǵan. Oblystyń TRANSKONTINENTALDYQ DÁLIZ jolynda tıimdi kóliktik-logıstıkalyq ornalasýy óńirge 183 mln.adam áleýeti bar Eýrazııalyq ekonomıkalyq odaq (EAEO) naryqtaryna qol jetkizýge múmkindik beredi jáne kóliktik logıstıkany damytý basymdyǵyn aıqyndaıdy», — dep atap ótti óz sózinde Marat Sultanǵazıev.
Telekópirdi qorytyndylaı kele, Almaty oblysynyń ákimi Marat Sultanǵazıev pen ShUAA Halyq úkimetiniń tóraǵasy Erkin Týnııaz Shyńjań óńirimen baýyrlastyq baılanys ornatý nıeti týraly hattamaǵa qol qoıdy.
Esterińizge sala keteıik, QHR Tóraǵasy Sı zınpın 14 qyrkúıekte Nur-sultanǵa memlekettik saparmen barady. Ol respýblıka prezıdenti Qasym-Jomart Toqaevtyń shaqyrýymen keledi. Bul QHR basshysynyń koronavırýstyq pandemııa bastalǵannan bergi alǵashqy sheteldik sapary.
