«AMANAT» partiiasynyŋ Ortalyq apparatynda «TALQYLAU» dialog alaŋynyŋ kezektı otyrysy öttı, dep jazady "Adyrna" ūlttyq portaly.
Saraptamalyq talqylau taqyryby: «Joldau 2022: saiasi reformalardyŋ jalǧasy».
«AMANAT» partiiasynyŋ Atqaruşy hatşysy Ashat Oralov bır rettık prezidenttık merzım turaly bastama superprezidenttık modelden tüpkılıktı ketu boiynşa būǧan deiıngı qadamdardyŋ qisyndy jalǧasy ekenın atap öttı.
«Prezidenttık ökılettıktıŋ merzımın 7 jylda bır kadensiiaǧa deiın qysqartu Ädılettı Qazaqstannyŋ saiasi kepılı bolady. Osynau batyl da bıregei qadam elımızdıŋ aldaǧy uaqyttaǧy saiasi baǧytyna qatysty sūraqtardyŋ jauabyn tabuǧa mümkındık beredı. Konstitusiiaǧa tiıstı özgerısterdı keiınge qaldyrmai, osy jyldyŋ özınde-aq engızu qajet dep sanaimyn», – dedı Ashat Oralov.Mäjılıstegı «AMANAT» partiiasynyŋ deputaty Erlan Sairov qoǧamnyŋ Joldaudy belsendı talqylauy ūlttyq tūtastyqtyŋ nyǧaiuyna yqpal etedı dep sanaidy.
«Būrynǧy jüienı joiu üşın prezidenttıktı bır merzımge şekteu qajet. Bügıngı saiasi reformalardyŋ negızgı mänı – osy. Jetı jyldyq merzımge keletın bolsaq, būl oiǧa alǧan mındetterdı ıske asyru üşın jetkılıktı kezeŋ. Sonymen qatar, bilıktıŋ monopoliialanuyna jol bermeidı. Barlyq salanyŋ damuynda tūraqtylyq paida bolady», – dep atap öttı Erlan Sairov.Öz kezegınde, qoǧam qairatkerı Ǧalym Baitoq Prezident kezekten tys sailau jariialau arqyly batyl qadam jasap otyrǧanyn atap öttı.
«Jetı jyl – qalypty jūmys merzımı. Eger qazırgı Prezident osy jyly bırden jetı jyldyq merzımge bet alatyn bolsa, onda onyŋ ökılettıgı qaitken künnıŋ özınde 2029 jyly aiaqtalady. Iаǧni, qazırgı normaǧa säikes 2024 jyly sailauǧa tüsse de solai bolar edı. Iаǧni, onyŋ ökılettık merzımı ıs jüzınde bır jylǧa da ūzarmaidy. Sonymen qatar, prezidentterdıŋ ökılettık merzımı 10 jyldan 7 jylǧa deiın qysqarady», – dedı ol. «Prezidenttıŋ ornyqty ädıl memleket qūru jönındegı naqty saiasi maqsaty bar. Būl maqsat reformalardy, sonyŋ ışınde tanymaldylyǧy joq reformalardy qajet etedı. Ony ıske asyru üşın mandat pen uaqyt qajet. 7 jyldyq merzım – belgılengen reformalardy jüzege asyru üşın jetkılıktı merzım dep esepteimın», – dep atap öttı saiasattanuşy ärı qoǧam qairatkerı Danat Jūmin.«TALQYLAU» otyrysynda Mäjılıstegı «AMANAT» fraksiiasynyŋ müşesı Ekaterina Smyşliaeva Joldaudaǧy eldıŋ ekonomikalyq damuyna qatysty aspektılerge nazar audardy.
«Kez kelgen özgerıstıŋ negızı – myqty ekonomika. Joldauda auqymdy äleumettık-ekonomikalyq blok ūsynyldy. Būl – reformalardyŋ jaŋa tolqyny emes, būǧan deiın belgılengen baǧyttyŋ qisyndy jalǧasy. Memlekettıŋ ekonomikadaǧy rölın azaitu, ony monopoliiasyzdandyru, resurstardy ädıl bölu qadamdary aldaǧy uaqytta eleulı ekonomikalyq ılgerıleuler turaly aituǧa mümkındık beredı. Ädıl qoǧamnyŋ ırgesı qalanady», – dep atap öttı deputat.Öz kezegınde, Europalyq qūqyq jäne adam qūqyqtary institutynyŋ direktory, professor Marat Bäşımov sot-qūqyq salasyn reformalauǧa qatysty öz oiyn bıldırdı.
«Sudia tek sot törelıgımen ainalysuy kerek. Ol kadr mäselesıne aralaspauy tiıs. Aralasatyn bolsa, sybailas jemqorlyq täuekelderı paida bolady. Prezident revoliusiialyq şeşım ūsyndy. Endı Joǧary Sot Keŋesı ırıkteumen, oqytumen, attestattaumen jäne taǧy basqamen ainalysady. Al sudialar öz jūmysyn ısteidı. Tiısınşe, olar atqaratyn jūmystyŋ tiımdılıgı artady», – dedı ol.«Qazaqstannyŋ Azamattyq Aliansynyŋ» prezidentı Banu Nūrǧazievanyŋ pıkırınşe, osy küngı özektı mäselenıŋ bırı – memlekettık basqaru jüiesın qaita jükteu.
«Bız tek tüsındırıp qana qoimai, bastamalardy jüzege asyruǧa jäne qoǧamdyq monitoring üderısterıne özımız de aralasyp, qoǧamdy da jūmyldyruymyz kerek. Jap-jaqsy reformany qolǧa aluǧa bolady. Bıraq ony jüzege asyru barysy erekşe nazar audarudy qajet etedı», – dedı Banu Nūrǧazieva.«TALQYLAU» alaŋnyŋ moderatory «AMANAT» partiiasy Saiasi keŋesınıŋ müşesı, tanymal telejürgızuşı Maqsat Tolyqbai boldy. Eske sala keteiık, «TALQYLAU» dialog alaŋyn qūru bastamasy «AMANAT» partiiasynyŋ 1 nauryzda ötken kezekten tys Sezınde partiialyq transformasiia baǧdarlamasy tarmaqtarynyŋ bırı retınde köterılgen bolatyn. Alaŋda sarapşylar, deputattar, memlekettık organdar men ÜEŪ ökılderı azamattardy tolǧandyratyn özektı mäselelerdı şeşu jönıde ūsynystar äzırleu üşın tūraqty türde kezdesıp otyrady.
"Adyrna" ūlttyq portaly
