Şymkentte polisiia kämeletke tolmaǧandardy jezökşelıkpen ainalysuǧa, jeŋgetailyqqa, sondai-aq ūiymdasqan qylmystyq top qūramynda jynystyq qanau maqsatynda adam saudasyna tartu faktısı boiynşa qylmystyq ıstı tergep jatyr. Būl turaly Polisia.kz habarlady, dep jazady "Adyrna" ūlttyq portaly.
"Tergeu barysynda olardyŋ qylmystyq äreketterı Şymkent, Türkıstan jäne Taraz qalalarynda jüzege asyrylǧany anyqtaldy. Toptaǧy rölder naqty bölıngen. Onyŋ ūiymdastyruşylary üş apaly-sıŋlılı bolyp şyqty. Olar senımdı adamdarymen bırge qylmystyq äreketterdı üilestırgen. Qorqytu men bopsalau, “aiyppūldar” arqyly qyzdardy sintetikalyq esırtkı qoldanuǧa jäne aqyly (keide ärtürlı tauar üşın de) jynystyq qyzmet körsetuge mäjbürlegen. Toptyŋ keibır müşelerı jas äielder men qyzdardy ızdeumen ainalysqan. Olarmen tanysyp, senımıne kıre otyryp, osy “ıske” tartqan", - delıngen habarlamada.Belgılı bolǧandai, qyzdardy äleumettık jelı arqyly Qaraǧandy, Semei, Atyrau, Şymkent, Taraz, Qyzylorda qalalary men Türkıstan oblysynan tapqan.
"Bilet satyp alu men tūruǧa ketken şyǧyndy qylmystyq toptyŋ ūiymdastyruşylary tölegen. Toptyŋ basqa müşelerı “äkımşı” jäne “kassir” rölın atqardy. Olar qyzdardyŋ tärtıbın qadaǧalap, esep pen kassa jürgızıp, internettegı jarnamalar arqyly tabylǧan “klientterdı” qabyldap otyrǧan. Qylmyskerlerdıŋ tapqan tabysy, bügıngı aqparat boiynşa, şamamen 150 million teŋgenı qūraidy. Jynystyq saudanyŋ qūrbandary arasynda 17 men 25 jas aralyǧyndaǧy 14 qyz bar, onyŋ ışınde 6-y kämeletke tolmaǧandar. Qyzdardy jaldamaly päterlerde ūstap, jezökşelıkpen ainalysuǧa mäjbürlegen", - delıngen habarlamada.Bırqatar jaǧdailarda küdıktıler qyzdardy özımen bırge ertıp, qonaqüiler men saunalarǧa aparǧan.
"Qyzdar tuǧan-tuystaryn tynyştandyru üşın ata-analaryna bala kütuşı bolyp jūmys ısteitınderın aitqan. Keibır jaǧdailarda ūiymdastyruşylar qyzdardyŋ ata-analarymen kezdesuge baryp, özderın “bala kütuşıge jūmys beruşı” siiaqty körsetken. Barlyǧy 11 adam ūstaldy, olar qazır Şymkenttegı tergeu izoliatorynda qamauda", - delıngen habarlamada.Osy faktı boiynşa 18 qylmystyq ıs qozǧaldy, onyŋ ışınde: 2 derek – QK-nıŋ 262-babynyŋ 1, 2-bölıgı (Ūiymdasqan qylmystyq top qūru jäne oǧan qatysu), 5 derek – QK-nıŋ 128-baby (Adam saudasy), 5 derek – QK-nıŋ 134-baby 3-bölıgı (Kämeletke tolmaǧan adamdy jezökşelıkpen ainalysuǧa tartu), 2 derek – QK-nıŋ 308-baby (Jezökşelıkke tartu), 3 derek – QK-nıŋ 309-baby (Priton ūstau men jeŋgetailyq), 1 derek – QK-nıŋ 297-baby (Esırtkı zattaryn alu, saqtau, tasymaldau) boiynşa. Tergeu jalǧasuda.
"Adyrna" ūlttyq portaly
