Qyrǵyzstan áskerı ókili Soıýzbek Satarov qyrǵyz-tájik arasyndaǵy áskerı qaqtyǵysta beıqamdyq tanytqan qyrǵyz azamattarynyń rýhyn joný úshin Kenesaryn basyn alǵan qyrǵyz jigitterin sóz etpek boldy. Jaýynger qyrǵyz halqynyń azamattaryna beıneúndeý arqyly yqpal etpek bolǵan, dep habarlaıdy "Adyrna" ulttyq portaly.
Sonymen qatar, qyrǵyz áskeriniń ókili áleýmettik jelide áskerılerge syn aıtqan qyrǵyz halqyna renishin bildiredi. Sóz arasynda «Keshegi boıynda bar (ekiqabat) áıelderdiń ishin jarǵan qazaqtyń Kenesarysynyń basyn alǵan qyrǵyz jigitteri emes pe edi...?» degendi eki qaıtalaıdy.
Tarıhı derekti burmalap sóılep, áskeriniń álsiz ekenin moıyndaýdan qashyp, eki el arasyna syna qaqpaq boldy dep jaýyngerdi kinálap jatqandar da bar. Feısbýk qoldanýshysy Tórtýyl Shaqan buǵan qatysty:
"Bizder «Qazaq pen Qyrǵyz birtýǵan..» dep aıtyp júrmiz! Aıta da berermiz!
Biraq, ańǵaldyǵynan ajal qushqan Kenesaryny «ekiqabat áıelderdiń ishin jarǵan—Kenesary» atandyryp otyramyz ba?
Han Kenesaryny búgin «joqtaý» kerek bolsa—shekarany jabaıyq onda! Qyrǵyz jerindegi bıznesti qaıtaraıyq!
Arzan gaz ben munaı ónimi— janar-jaǵar maı berýdi doǵaraıyq!
Ystyq kólge eshkim barmasyn! Sosyn ne bolmaq?
Qyrǵyz áskerıleriniń óz halqyna aıtar ókpesi bar bolsa —qazaqty aralastyrmaı— tarıhty burmalamaı aıtsyn.
Basqa sózinde bizdiń sharýamyz joq.
Bıligi shekarasyn shegendep almaǵanyna Qazaq kináli emes!
Qalaı bolǵanda da, Qazaq pen Qyrǵyz halqy arasyna ot sala ottaǵandy qoıǵyzý kerek!" - dep pikir bildirdi.
Qyrǵyz áskerı ókiliniń Han Keneniń ólimine qatysty pikiri tarıhı derektermen esh úılespeıdi. Tarıhı ádebıetterde Kenesary hannyń ólimine qatysty tómendegideı maǵlumat beriledi.
Kenesary ustalyp jáne tutqynda úsh aıdaı bolǵan, óıtkeni qyrǵyzdar onymen ne isteıtinin bilmegen. Sodan ony óltirý týraly sheshim qabyldandy. Kóz jumbas buryn Kenesary namaz oqýǵa ruqsat suraǵan. Basynan aıyryldy. Onyń basyn qyrǵyz manaby Ormon balaýyz mórimen jazylǵan hatpenen Batys Sibirdiń general-gýbernatory Gorchakovqa syılap,qyrǵyzdardyń Reseı ımperııasyna degen adaldyǵyn kórsetkisi keldi.
"Adyrna" ulttyq portaly
