Kemeldık pen keŋdık dep jatamyz. Maqsat pen mındet külkı emes, körkem boluy şart dep jatamyz. Mıne, osy bır şarafaty mol tüsınıkterdı keide men ūltyma da teŋegım keledı. Ūlt degenımız – halyqtyŋ jetılgen, parasaty jetıkken türı. Özın-özı saqtauǧa, damytuǧa, qorǧauǧa, qorlamauǧa airyqşa den qoia alatyn qabılettıŋ türı.
Dostaevskii aitqan eken: «Qūdailar ūltqa bölıngende, olar öledı»,- deidı. Demek, ūltty ūiystyratyn – dünietanym. Al ony azdyratyn, tozdyratyn – alauyzdyq. Aiaǧy üzeŋgıden şyqsa da, tızesı jerge timegen alaş jūrty azapty ǧūmyrynda ūzyna tarihynda basynda nebır däuır ötkızdı. Aşysyn da, tūşysyn da sarqa tatty. Aşysy tūsynda jasqanyp, tūşysy tūsynda mastanyp körgen emes. Jeŋıp te kördı, jeŋılıp te kördı. Bıraq osyny sezınu – saiasi ömırdıŋ eŋ bır qiyn sätterınde bızge bır berık ruhani medet bolǧandai.
Bügıngı aq ordaly Qazaqstan keşegı altyn ordalardyŋ tıkelei mūragerı. Täuelsızdık – yrys, damudyŋ kepılı. Al tıregı – bırlık. Bıraq bügın zaman basqa. Qarudyŋ ornyna qalam, qalamnyŋ ornyna kompiuter kelgen zaman. Tehnologiianyŋ özı künde özgerıp, ösıp bara jatyr. Tolqyndy tolqyn quady, tolqynnan tolqyn tuady. Älem asyǧysta. Ömırdıŋ özı künde özgerıp bara jatyr. Sondyqtan, ne ılgerı basasyŋ, keiın ketesıŋ. Basqa jol joq.
Mynau saiasat degen termindı bızdıŋ däuırımızge deiıngı törtınşı ǧasyrda Aristotel engızgen eken. Ol ony memlekettı basqarudyŋ önerı dep atapty. Mıne, osy jerde bızdıŋ ainalamyzdaǧy halyqaralyq saiasi ahualdy, ışkı saiasi ahualdy nemese ūltynyŋ ünımen jūrtynyŋ mūŋyn tamyrşydai tap basyp otyrǧan memleket basşysy Qasym-Jomart Kemelūly Toqaev ūltynyŋ ünıne ün qosa, oi tastady.2019 jyl... «Syndarly qoǧamdyq dialog Qazaqstannyŋ tūraqtylyǧy men örkendeuınıŋ negızı»,- dep oiyn bastady. 2020 jyl... «Jaŋa jaǧdaidaǧy Qazaqstan – ıs pen qimyldyŋ kezeŋı» dep ūran tastady. 2021 jyly «Halyq bırlıgı jäne jüielı reformalar – el örkendeuınıŋ berık negızı», - dep oiyn jalǧastyrdy. Al 2022 jyldyŋ nauryzynda «Jaŋa Qazaqstan – jaŋaru men jaŋǧyru joly»,- dep qadap körsettı. Osydan bırneşe kün būryn, 2022 jyly qyrküiekte «Ädılettı memleket – bırtūtas ūlt, berekelı qoǧam», - dep üş taǧandyq qaǧidatty alǧa tartyp, halqyn ūşpaqqa şaqyrdy. Tūjyrym – bes joldauy kuä memleket basşysy halyq jaǧynda, memleket jaǧynda ekendıgın körsettı. Tıptı, künı keşe elımızde ötıp jatqan älemdık jäne dästürlı dınder basşylarynyŋ jetınşı sezınde osy tezisın köterıp, ädılettı älem mäselesın qozǧady. Rim papasyn qarsy alǧan kezde memleket basşysy «Sız bızdıŋ elge adamzattyq betbūrys kezınde keldıŋız»,- dep parasatty oiyn jalǧady. Bes joldaudyŋ ışınde halqynyŋ bükıl mūŋ-mūqtajy atqaryldy. Bıraq sonyŋ ışınde eŋ soŋǧy joldaudyŋ atauynyŋ özı köŋılge ülken senım ūialatady. «Ädılettı memleket – bırtūtas ūlt, berekelı qoǧam». Iаki, ädılettı memlekette tūratyn bırtūtas ūlt berekelı qoǧamǧa kepıl. Ärine, joldaudyŋ ışınde şoqtyǧy biık nebır şeşımder bar. Sonyŋ ışınde – halyq qorynan keleşek ūrpaqtarymyzǧa aşylatyn esepşot. Keşegı alpauyttar pyşaq üstınen ülestırgen milliondaǧan gektar jer telımı memleketke qaitaryldy. Qaŋtar oqiǧasy kezınde asa auyr qylmys jasamaǧandarǧa keşırım. Sondai-aq, aldaǧy jarty jyl ışınde bilıktıŋ bar tarmaǧy – Prezident, Parlament, Ükımet tügeldei sailaudyŋ süzgısınen ötetın boldy. Eŋ ǧajaby – memleket basşysy älı prezidenttık ökılı bar bilıgın sailauǧa salǧaly otyr. Bır qarasaŋ, ataly nar täuekel. Ekınşı jaǧynan, qauıptı qadam. Şeşımı – memleket basşysy memleket Qasym-Jomart Kemelūly Toqaev astyndaǧy taǧyn emes, halqynyŋ baiandy baǧyn oilaǧandyǧy dep bılemın. Künı keşe qolyndaǧy bilıgın süttı siyrdai qattap sauǧan zamanmen salystyrǧanda. Şäkärım qajy aitpaqşy, būl än būrynǧy ännen özgerek bop şyqpai ma?! Däl solai! Bärekeldı!
Prezidentımızdıŋ josparlary san salaly. Arman-mūrattaryn sapaly baspaldaqtarmen äkele jatyr. Ärine, mūnyŋ bärıne uaqyt kerek. Oilanuǧa uaqyt kerek. Dei tūrǧanmen, pysyqtalǧan, qorytyndalǧan dünielerdıŋ barlyǧyn jüzege asyruǧabız mümkındık beruımız kerek. Bızdıŋ mındemız – bırtūtas sanaly ūlt bolyp, berekelı qoǧam bolyp, sözınde pätua, ısınde tiianaq bar el basşysyna Qasym-Jomart Kemelūly Toqaevqa eŋ igılıktı reformalaryn jüzege asyruyna mandat beruımız kerek.Bızdıŋ Prezident bılımdı de, bılıktı, baisaldy basşy. Osynyŋ barlyǧyn oilai kele, salystyra kele, sol Prezident bilıgınıŋ ǧūmyryn jetı jylǧa äkelgenı. Bırınşıden, jetı jyl, negızı, būl qazaqta jaqsy san. Qazaq aitady, «Jetıge kelgenşe, jerden taiaq jisıŋ». Būl – büldırşınnıŋ aiaq basyp ketu kezeŋı. Al estı, sanaly pendege jetı jyl aqyl toltyru, bar täjıribenı ortaǧa salu, halyqtyŋ bükıl mūŋ-mūqtajyna tärk etu, sodan nätije şyǧaru. Mıne, osy oidyŋ barlyǧy memleket basşysynyŋ qaperınde dep oilaimyn. Sondyqtan, osy şeşımdı halyq bolyp barlyǧy qoldauda. Sondyqtan, būl şeşım tübegeilı aqiqat şeşım dep oilaimyn. Şeşımnıŋ erteŋı - halqymyzdyŋ rizyǧy. Joǧymyzdy bardai etu, barymyzdy dardai etu – elımızge syn dep oilaimyn. Naizanyŋ ūşyn tat basar, şoqparlar şoqqa tastalar, tolaiym zamanǧa da jetermız. Täuelsızdıgımız baiandy, eldıgımız mäŋgılık bolǧai! Tarihtyŋ tar ötkelınen sürındırmei ötkızgen babalar şapaǧaty bızge de tigei! Elımız aman, jūrtymyz tynyş bolsyn, aǧaiyn!
Dosqan JOLJAQSYNOV,
"Adyrna" ūlttyq portaly
