Mäjılıste densaulyq saqtau ministrı Ajar Ǧiniiat "Densaulyq saqtau mäselelerı boiynşa keibır zaŋnamalyq aktılerge özgerıster men tolyqtyrular engızu turaly" zaŋ jobasymen tanystyrdy, dep jazady "Adyrna" ūlttyq portaly stan.kz-ke sılteme jasap.
"Pasientterdıŋ memleket kepıldık beretın qūqyqtaryn ıske asyru üşın medisina qyzmetkerlerınıŋ käsıbi jauapkerşılıgın arttyru kerek. Mındettı saqtandyru jüiesı kezeŋ-kezeŋımen engızıledı", – dep habarlady ministr.Onyŋ aituynşa, jyl saiyn elımızde medisina qyzmetkerlerıne qatysty öz mındetterın tiısınşe oryndamaǧany üşın qylmystyq kodekstıŋ “Medisina nemese farmasevtika jūmyskeriniŋ käsiptık mindetterin tiisinşe oryndamauy” 317-baby boiynşa 300-ge juyq ıs qozǧalady. Qylmystyq ıster köbınese hirurgiia salasyndaǧy mamandarǧa qatysty qozǧalǧan.
"Zardap şekkenderge moraldyq jäne materialdyq zalal ötemaqysynyŋ mölşerı 40 million teŋgeden asty. Saqtandyru tölemderı sottyŋ şeşımı boiynşa saqtandyru polisı bolǧan kezde jüzege asyrylady. Medisinalyq insident saldarynan tuyndaǧan zalaldy medisina qyzmetkerınıŋ jalaqy deŋgeiı ötei almaidy", – dep tüsındırdı Ǧiniiat.Ministrlıktıŋ jospary boiynşa, medisinalyq ūiymdar 2023 jyldan bastap jeke saqtandyru kompaniialarymen şarttar jasaidy. 2025 jyldan bastap ortaq negızde saqtandyrudy medisinalyq ūiymdar men qyzmetkerler böledı. Saqtandyru şarty bır jylǧa jasalady, onyŋ barysynda saqtandyru kompaniia medisinalyq jaǧdailar boiynşa barlyq tölemderdı jabady. Ajar Ǧiniiat nauqastyŋ taŋdauy bolatynyn tüsındırdı. Eger ol medisinalyq ūiymnyŋ şeşımımen jäne tölem somasymen kelıspese, sotqa jügıne alady. Ministr josparlanǧan ötemaqy kölemımen bölıstı. Pasienttıŋ ömırıne nemese densaulyǧyna keltırılgen ziian üşın:
- ölım jaǧdaiy – 1000 AEK (2022 jyly 3 million 180 myŋ teŋge); bırınşı toptaǧy mügedektıktı belgıleu – 800 AEK (2022 jyly 2 million 544 myŋ teŋge);
- ekınşı top – 600 AEK (2022 jyly 1 million 908 myŋ teŋge);
- üşınşı top – 500 AEK, "mügedek bala" – 500 AEK (2022 jyly 1 million 590 myŋ teŋge);
- mügedektık belgılenbei, densaulyqqa jaraqat salu nemese özge de zaqymdanu – pasienttı ambulatoriialyq nemese stasionarlyq emdeudıŋ naqty şyǧystary mölşerınde 300 AEK (2022 jyly 954 myŋ teŋge).
"Adyrna" ūlttyq portaly
