QR Prezidentı Q.Toqaevtyŋ Qazaqstan halqyna Joldauyn zor yqylaspen oqyp şyqtym. Öte salmaqty da maŋyzdy qūjat. Tap bügıngıdei kürdelı ahualda ne ısteu kerek degen sūraqqa jauap beruge tyrysqan. Mäselenıŋ ekonomikalyq, saiasi, äleumettık, ruhani, taǧy basqa qyrlaryn intellektualdy ızdenıspen, emosiialyq tolǧanyspen taldapty.
Mūnda milliondaǧan otandastyŋ jaqsy ömırge ūmtylysynyŋ täjıribesı, ūrpaǧynyŋ bolaşaǧyna alaŋdap, Qaŋtar qasıretıne ūryndyrǧan ädıletsızdıkke narazylyǧy körınıs tapqan. Prezident öz ūsynystary men şeşımderın 5 baǧytqa bölgen. Bärı tolǧaǧy jetken qajettılıkter. Tapsyrmalardyŋ atqarylu merzımderı de nazarynan tys qalmaǧan.
Mäselen, qūrylys salasyndaǧy bırşama erejeler men normalar keŋestık jyldardan berı saqtalyp kele jatyr. Ondai mūralar bılım beru, densaulyq saqtau, auyl şaruaşylyǧy salalarynda bar. Demek, Jaŋa Qazaqstandy qūru üşın aldymen özımız özgeruımız kerek. Qiynnyŋ qiyny osy bolar, sırä!
Şyǧyny köp, paidasy joq jobalardy kün tärtıbıne qoiumen qaltasyn toltyrǧandar, közboiauşylyqty şeber igergen pysyqailar az emestıgı ras. 2019 jyly eŋ joǧary bilıkke kelgennen berı Prezidentımız Q.Toqaev halyqqa 5-joldauyn jariialap otyr. Ǧylym mäselesı taldanbai qaluda. Al ǧylymsyz qoǧamnyŋ ılgerıleuı mümkın emes. Būl san märte däleldengen aqiqat. Barşa sanaly ömırım ǧylymda ötkendıkten, mäselen, men Memleket basşysynan Qazaqstan ǧylymyna qatysty tyŋ oilar men bastamalardy kütemın. Ädılettı Jaŋa Qazaqstanǧa ǧylymmen jol tartsa, şynymen älemdık biıktıkke köterıle alamyz.
Hangeldı ÄBJANOV, tarih ǧylymynyŋ doktory, professor:
Ūqsas jaŋalyqtar
