Şyŋǧys Mūqan: Prezidenttıŋ ǧalymdarmen kezdesıp jürgenın jaqsylyqqa balaimyn

Memleket basşysy Niu-Iorkte bırqatar kezdesu ötkızıptı. Solardyŋ ışınde professorym Rikardo Hauzmanndy körıp quanyp qaldym. Onyŋ kürdelılık teoriiasy negızınde "Qazaqstan damyǧan elder qataryna qosylu üşın ne ıstemek kerek" degen taqyrypta tezis qorǧaǧam. Öte özektı taqyryp. Damyǧymyz kelse, jalǧyz ǧana jol bar, ol - kürdelılık teoriiasy baǧyttaityn jol. Örkendegen kez kelgen el damudyŋ qūpiiasyn aşqan professor Hauzmannyŋ nūsqap otyrǧan jolymen jürıp ötken. Ekı auyz sözben jetkızer bolsam: Ekonomikamyz ornyqty damu üşın bız kürdelı tauarlardy şyǧaruymyz kerek. Al kürdelı tauar şyǧaru üşın qazaqtardyŋ basynda kürdelı nou-hau (Ybyraişa aitsaq, öner) bolu kerek. Ol önerdı qalai qondyramyz, öz aldyna bölek äŋgıme. Osy tūrǧydan alsaq, Prezidenttıŋ tehnikalyq mamandyqtarǧa den qoiyp otyrǧany sol Hauzmannyŋ keŋesı bolsa kerek dep topşylap otyrmyn. Amerikadan oralǧanymda osy teoriia negızınde taldau ortalyǧyn aşyp, Qazaqstandy qaitsek damytamyz degen taqyrypty odan ärı zerttep, köp sūraqqa jauap ızdesem be degen edım. Būl josparym älı oryndalmai tūr. Memlekettık qyzmetten ketken soŋ, osy josparǧa qaita oralam. Jalpy, Hauzmann öte qarapaiym adam. Kez kelgen uaqytta esıgı aşyq. Üige kelıp, Azattyŋ tūsauyn kesıp berdı. Qazaqstannyŋ ekonomikasyn bes sausaqtai bıledı. Li Kuan Iý de öz kıtabynda ǧalymdarmen köp aqyldasqanyn jazady. Professorlardan aqyl sūrau üşın Amerikada bırneşe ai jüredı. Qasym-Jomart Kemelūlynyŋ ǧalymdarmen kezdesıp jürgenın jaqsylyqqa balaimyn.

Şyŋǧys Mūqan instagram paraqşasynan