Almaty qalasynyŋ äkımı Erbolat Dosaev pen Alan Piiu «jasyl» jobalardy ıske asyrudy talqylady

Europa Qaita Qūru jäne damu bankınıŋ (EQDB) vise-prezidentı Alan Piiu, Ortalyq Aziia boiynşa basqaruşy direktor Jujanna Hargitai jäne EQDB-nyŋ Qazaqstan boiynşa direktory Husein Ozhannyŋ qatysuymen ötken kezdesude «jasyl» jobalardy ıske asyru, sondai-aq «jasyl bondtardy» şyǧaru arqyly qalanyŋ infraqūrylymyn jaqsartu jönındegı baǧdarlamalardy bırlesıp qarjylandyru mäselelerı jan- jaqty talqylandy, dep habarlaidy " Adyrna" tılşısı.  Kezdesu barysynda ekologiialyq mäselelerge erekşe nazar audaryldy. EQDB vise-prezidentı Alan Piiu «Jasyl qala» ıs-qimyl josparyn tanystyrdy, onda memlekettık organdarmen bırlesıp ekologiialyq mäselelerdı şeşu üşın jobalar puly anyqtaldy. Almaty JEO-2-nı kömırden gazǧa köşıru qala üşın negızgı joba bolmaq, mūnda EQDB kreditorlardyŋ bırı bolyp tabylady. Taraptar 2-JEO modernizasiialaudy ıske asyru barysyn talqylady. «Jasyl qala» ıs-qimyl jospary baǧyttarynyŋ bırı qalalyq infraqūrylym men «Sifrlyq köşırme» jobasy prosesterınıŋ joǧary däldıktegı sifrlyq köşırmesın jasau ekenı belgılendı. Jüie klimattyŋ özgeruı, qoǧamdyq kölık, halyqtyŋ ösuı jäne t.b. mäselelerdı qosa alǧanda, ärtürlı jaǧdailarda infraqūrylymdy stress-testıleu derekterın öŋdeuge arnalǧan platforma bolyp tabylady. Kezdesu barysynda bırlesken qarjylandyru mäselelerı talqylandy. Elımızde jürgızılıp jatqan reformalar megapoliske qarjylandyrudyŋ jaŋa tetıgı – «jasyl» obligasiialardy ıske qosuǧa mümkındık beredı. Sondai-aq, taraptar Almatyda energiia tiımdılıgı jäne energiia ünemdeu, su, jylu şyǧyndaryn azaitu üşın injenerlık infraqūrylymdy jaŋǧyrtu jäne t. b. boiynşa ESG-jobalaryn ıske asyru mäselelerıne de toqtaldy. Qala äkımı Erbolat Dosaev EQDB 30 jyl boiy Qazaqstan men Almaty üşın ırı strategiialyq investor bolyp tabylatynyn atap öttı. Ol EQDB komandasyna belsendı yntymaqtastyǧy üşın alǧys bıldırdı, «Jasyl qala» özektı baǧyty boiynşa Bankpen özara ıs-qimyldy jalǧastyruǧa daiyn ekenın rastady. Kezdesu soŋynda taraptar aldaǧy jūmystyŋ basym baǧyttaryn jäne belsendı yntymaqtastyqtyŋ jaŋa kezeŋıne şyǧu joldaryn talqylady.