Ukrainadaǧy äskeri qaqtyǧysty tek beibıt jolmen toqtatu kerek. Būl turaly Senat töraǧasy Mäulen Äşımbaev aitty, dep habarlaidy "Adyrna" ūlttyq portaly inform.kz-ke sılteme jasap.
«Reseide ışınara mobilizasiia jariialanǧany belgılı. Osy oraida türlı sūraqtar qoiylyp jatyr. Būl tūrǧydaǧy bızdıŋ ūstanymyzǧa toqtalsaq, qaqtyǧysty tek kelıssöz arqyly şeşuge bolady. Qaqtyǧysty äskeri jolmen şeşudıŋ mümkındıkterı joq dep esepteimız. Sondyqtan atalǧan qaqtyǧys bastalǧan bırınşı künnen bastap Qazaqstannyŋ ūstanymyn jariialap, onda kelıssöz arqyly beibıt jolmen toqtatu ūstanymyn aityp kelemız. Atap aitqanda, būl mäselege qatysty bızdıŋ ūstanym özgermedı. Qandai qiyn jaǧdai bolyp jatsa da, bükıl emosiiany qoiyp, qaqtyǧysty saiasi jolmen şeşudıŋ qadamdaryn ızdeu kerek», - dedı M. Äşımbaev Senattyŋ jalpy otyrysynan keiın tılşıler saualyna jauap bere otyryp.Sonymen qatar ol Reseidegı ışınara mobilizasiia osy eldıŋ ışkı prosesı ekenın aita kele, qaqtyǧysqa qatysyp jatqan taraptar bır mämılege, şeşımge keletınıne senım bıldırdı.
Būdan bölek Qazaqstan men Resei arasyndaǧy şarttarǧa qatysty toqtalǧan Senat töraǧasy: «osy oraida Qazaqstanǧa qatysty aitatyn bolsaq, būl jaǧdaiǧa boiynşa tiıstı memlekettık organdar bolyp jatqan ürdısterdı qarap otyr. Ary qarai jaǧdaiǧa bailanysty aqyldasa otyryp, tiıstı mäseleler qaralatyn bolady. Jalpy, Qazaqstan men Resei Euraziialyq ekonomikalyq odaq qūramynda. Bızdıŋ aramyzda kelısımder men şarttar bar. Qūjattarǧa säikes Resei azamattary elımızdıŋ aumaǧyna saparlap kelse, olarǧa qatysty şekteu joq», - dedı.
"Adyrna" ūlttyq portaly
