Belgılı zaŋger Aigül Orynbek Qazaqstan halqyn tolerantty boluǧa şaqyrdy, dep habarlaidy «Adyrna» tılşısı.
«Elde soǧys bolyp, jan- jaqqa qaşudan qūdai saqtasyn! Beibıtşılıktıŋ qadırın bıleiık! Ukrainada soǧys bastalmai jatyp, qaltaly bailary Antalia, Ystambūldan üi aldy. Soǧys bastalǧanda tıptı 5 millionǧa juyq halqy elden kettı. Eger sol elderınen qaşqan 5 million ukraindyq elge kıremız dep kelgende osyndaǧy «şekarany jabu kerek» dep otyrǧandar qūşaq jaia qarsy alatyn edı. Köşbasşy oŋbasa, halqyna sor. Kımge elınen ketken ūnaidy deisıŋ? Ärine eşkımge! Maǧan da reseilıkterdıŋ elıme kırgenı ūnamaidy. Bıraq olar — bızge tiıp tūrǧan şekaralas körşı. Älem iadrolyq soǧysqa jaqyn tūrǧanda, bükıl älemnıŋ nazary qazır bızde bolyp otyr. Būl situasiiadan da halyqaralyq standarttarǧa sai ädemı şyǧuymyz kerek! Älem sylaityn diplomat Prezidentımız bar! «Şekarany jap!» dep aşyq aitpasa da, qūpiia türde tapsyrmalar tiıstı adamdarǧa berıldı dep oilaimyn. Būl mäselenı saiasilandyra bermei, kelıp jatqan qonaqtarǧa kımnıŋ elınde jürgenın mädeni türde körsetıp otyru kerek! Qūjattary dūrys emes ekenın bılseŋ, bırden polisiiaǧa habarla. Elımızdıŋ eldıgın saqtap qalu öz qolymyzda! Bırıgetın uaqyt keldı, aqşa, qūlqynnyŋ qamy üşın emes, el üşın jūmys ısteiık! Būl tyǧyryqtan da Prezidentımız Toqaev alyp şyǧady! Ukrainany aşyq qoldaitynymyzdy aityp otyryp, reseilıkterge esıgımızdı tars jauyp qoia almaimyz! Däl qäzır bızge tolerantty közqarasta bolu kerek!»—dedı ol.
