Bügınde Qazaqstannyŋ eŋbek naryǧynda jūmys ısteudı közdeitın reseilık azamattar sany 31 myŋnan asady. Būl turaly Eŋbek jäne halyqty äleumettık qorǧau ministrı Tamara Düisenova Ortalyq kommunikasiialar qyzmetınıŋ alaŋynda ötken brifing barysynda aitty, dep jazady "Adyrna" ūlttyq portaly.
"Azattyq ruhy" portalynyŋ habarlauynşa, Resei elınen elımızge aǧylyp kelıp jatqan azamattardyŋ basym bölıgı mobilizasiiadan qaşqandar. Dese de arasynda Qazaqstanda uaqytşa tūryp, eŋbek naryǧynan bos jūmys ornyn ızdep jürgender de bar.
«Jyl basynan berı 262 myŋ Resei azamaty Qazaqstanda uaqytşa tūryp jatyr. Onyŋ ışınde 6 518-ı kelu maqsattarynda jūmysqa ornalasudy körsetken. Bızde qazır 8,7 mln azamat jūmyspen qamtylǧan. Onyŋ ışınde qanşa şeteldıkke jūmys orny berılgenıne toqtalar bolsam, biyl bız 28 myŋ şeteldık jūmysşyǧa kvota berdık. Bıraq onyŋ tek 15 myŋyna ǧana jūmys ısteuge rūqsat berıldı. EEO-nyŋ qūramyna kıretın memleketter üşın kvota qarastyrylmaǧan. Būl rette Qazaqstan azamattary da odaqtyŋ qūramyndaǧy elderge baryp nemese olar bızge kelıp rūqsat almai-aq, jūmys ıstei berulerıne bolady», - dedı ministr.Būl rette ministr Tamara Düisenova elımızdıŋ eŋbek naryǧynda naqty qanşa reseilık azamat jūmys ısteitının de aityp öttı.
«Pandemiiaǧa deiın Qazaqstanǧa 24 816, 2019 jyly 30 myŋ, 2020 jyly 33 myŋ, byltyr 32 myŋ reseilık azamat keldı. Bızdıŋ eŋbek naryǧynda 25 301 reseilık azamat bar. Oǧan qazırgı 6 518 azamatty qossaq, şamamen 32 myŋ reseilık bızdıŋ naryqta eŋbek etudı közdeidı. Elımızge şetelden jūmys ısteu maqsatynda kelgen azamattarǧa monitoring pen baqylau tūraqty türde jürgızılıp otyrady. Sondyqtan da būl jaǧdai bızdıŋ ūlttyq eŋbek naryǧymyzǧa kerı äser etetınıne alaŋdauşylyq tanytudyŋ qajetı joq», - dedı ol.
"Adyrna" ūlttyq portaly
