Memleket basşysy Qasym-Jomart Toqaevtyŋ töraǧalyǧymen Reformalar jönındegı joǧary keŋestıŋ kezektı otyrysy öttı. Būl turaly Aqordanyŋ resmi saity jariialady, dep habarlaidy “Adyrna” ūlttyq portaly.
Jiyn ūlttyq jobalardy äzırleuge qatysty mäselelerdı talqylaudan bastaldy.
“Ökınışke qarai, bügınge deiın köp talqylanǧanyna qaramastan, üş auysymdy, apatty, eskı mektepter mäselesı şeşılgen joq. Sondyqtan osy ūlttyq jobanyŋ jüzege asyryluy Ükımettıŋ de, jergılıktı atqaruşy organdardyŋ da erekşe baqylauynda boluǧa tiıs. Ükımet pen Esep komitetı ärbır teŋgenıŋ közdelgen maqsatqa jūmsaluyn qamtamasyz etuı qajet. Äkımder jyl soŋyna deiın jer, infraqūrylym jönındegı barlyq mäselenı şeşuı kerek. Mūnda eş aqtaludyŋ retı joq. Sondyqtan öŋır basşylarynyŋ jeke jauapkerşılıgın küşeitu jönındegı ūsynysty qoldaimyn. Qūrylysy 2023 jyly bastaluǧa tiıs mektepter üşın jer uchaskelerın bölu jäne infraqūrylymǧa qosu jönındegı barlyq mäsele bır ai ışınde şeşıluı kerek. Qalǧandary jyl soŋyna deiın. Ükımetke ärbır öŋırdıŋ osyndai mındettemelerın aiqyndap, olardyŋ oryndaluyn baqylaudy tapsyramyn”, – dedı Memleket basşysy.Prezident ūlttyq jobany kelesı jyldan bastap jüzege asyru üşın biyl barlyq qajettı normativtık aktılerdı qabyldaudy tapsyrdy. Sonymen qatar Qasym-Jomart Toqaev Ükımettıŋ Samruk-Kazyna Construction-dy bıryŋǧai tapsyrys beruşı retınde aiqyndau turaly ūsynysyn qoldady. Osy rette Prezident biudjetten bölıngen qarjynyŋ jūmsaluyn qataŋ baqylauǧa alu qajet ekenın aitty.
Ūqsas jaŋalyqtar
