Atyrau qalasynyŋ äkımşılık ıster jönındegı mamandandyrylǧan sotynda «Qazaq ūlttyq qyzdar mektebı» JŞS üstınen äkımşılık ıs qaralyp jatyr, dep jazady "Adyrna" ūlttyq portaly.
"Aq jaiyq" basylymynyŋ habarlauynşa, būdan būryn Atyrau oblysy boiynşa bılım salasynda sapany qamtamasyz etu departamentı basşysynyŋ m.a. Berdıbek TAİŞEV QR ÄQBtK-nıŋ 463-babynyŋ 1-tarmaǧy («Tiisti tirkeusiz käsıpkerlık nemese özge de qyzmetpen ainalysu») boiynşa äkımşılık qūqyqbūzuşylyq turaly hattama toltyryp, sotqa joldaǧan.
- Mektep direktory Jūmaziia Jolmūhanova menıŋ oqu ornyn Ūlttyq bılım beru derekter qorynda tırkep, mektep jūmysyna rūqsat bergenımdı aitady. Bıraq men eşqandai rūqsat bergen joqpyn, - deidı B.Taişev. - Kez kelgen menşık nysanyndaǧy oqu orny Ädılet ministrlıgınde tırkelgennen keiın lisenziia aluǧa ötınış beruı kerek, bıraq bere almaidy. Ony alty aidyŋ ışınde alady. Oqu orny lisenziiany almai tūryp, qyzmetın bastap kete almaidy. Jarty jyl ışınde lisenziia aluǧa tiıstı qūjattary jinalady. Osy uaqyt ışınde kez-kelgen uaqytta lisenziia aluǧa ötınış bere alady, - deidı Taişev.Qazırgı kezde mektep jūmys jasap jatyr. Mektep direktory Jūmaziia Jolmūhanova lisenziia alu üşın talap etılgen qūjattardy departamentke tapsyrǧan. - QR «Bılım turaly» Zaŋynyŋ 40-baby 2-1-tarmaǧynda, eger oqu orny jūmysyn bastaǧan uaqyttan bastap alty ai ışınde lisenziia almasa, onda onyŋ qyzmetı sot tärtıbımen toqtatylady delıngen.
Bılım salasyn baqylau departamentı maǧan 6 ai ışınde lisenziia alyp, mūǧalımderdı jaldap, qajettınıŋ bärın satyp aluǧa ülgeruımız kerektıgın aitty. Men de alty aidyŋ ışınde jūmysqa kırısıp, lisenziia räsımdeu kerek ekenın, äitpese jabylyp qalatynymyzdy tüsındım, – deidı J.Jolmūhanova.Eger qoldanystaǧy zaŋǧa qarasaq, lisenziia alu üşın oquşylar kontingentı jäne pedagog kadrlar turaly mälımetterdı engızumız qajet. Al mūǧalım jalaqy almasa nemese oquşy bılım almaityn bolsa, onda mūndai mektepke eşkım kelmeidı. Qazırgı taŋda bız üşın joǧarydaǧy atalǧan qūqyqtyq aktıler men zaŋdar arasynda bırızdılık, özara ündestık tabylmai otyrǧan siiaqty.
Esterıŋızge sala keteiık, būǧan deiın “Adyrna” ūlttyq portalyna Nūrgül Mukuşeva esımdı bloger Atyrauda säläfi islamisterdıŋ büldırşın qyzdardyŋ qūqyn taptap, bet-jüzın tūmşalau maqsatynda "Ūlttyq qyzdar mektebı" deitın säläfilık baǧyttaǧy jaŋa mektep aşylǧanyn habarlaǧan bolatyn.
Keiın Ūlttyq qyzdar mektebıne qatysty aqparatqa Atyrau oblystyq Bılım basqarmasy jauap berıp, atalmyş jeke ūiymǧa ökılettı organdardan lisenziia berılmegenın habarlap, tekseru qorytyndysy boiynşa barlyq qajettı şaralar qabyldanatyn bolady degen bolatyn.
"Adyrna" ūlttyq portaly
