BQO Öŋırlık kommunikasiialar qyzmetındegı brifingte BQO äkımınıŋ orynbasary Baqytjan Narymbetov, BQO Polisiia departamentı bastyǧynyŋ bırınşı orynbasary, polisiia polkovnigı Janbolat Janşin jäne «Azamattarǧa arnalǧan ükımet» memlekettık korporasiiasy KEAQ BQO boiynşa filialynyŋ direktory Nadir Qūrymbaev Resei azamattarynyŋ köşı-qon prosesıne qatysty tuyndaǧan mäselelerdı tüiındedı.
Alaŋdauǧa negız joq
BQO äkımınıŋ orynbasary Baqytjan Narymbetovtyŋ mälımetınşe, Resei Federasiiasy men Qazaqstan şekarasy aumaǧynda bolyp jatqan ahual tolyq baqylauda. Barlyq küştık qūrylymdar men memlekettık organdar öŋır tūrǧyndarynyŋ qauıpsızdıgın qamtamasyz etu üşın qyzmet etude. Qazırgı taŋda Resei Federasiiasynan Qazaqstanǧa ötetın şekara punktterınde täulıktık patruldeu jürgızılıp otyr.
– Syrym, Şaǧan, Tasqala, Teplyi şekara posttarynda täulık boiy üzdıksız polisiia departamentı qyzmetkerlerıjūmys ısteude. Oral qalasy boiynşa patruldık polisiia men jaiau nariadtar köbeitılıp, barlyq qoǧamdyq jerler baqylanuda. Odan bölek erıktılerden qūrylǧan 5 top oblys ortalyǧyndaǧy alaŋ, parkterge baqylau jasap, monitoring jürgızude. Oblystaǧy erıktıler RF kelgen azamattarǧa jinalu oryndary men kömek körsetu oryndaryn belgılep, qol ūşyn berıp jatyr, – dedı Baqytjan Qaberūly.
Äkım orynbasarynyŋ sözınşe, tasymaldauşylarmen şekaradan oblys ortalyǧyna deiın jäne odan ärı jetkızu oryndaryna deiın bır adamnan 700 rublden tasymaldau jürgızılude.Oblys erıktılerınıŋ bastamasymen Atameken» jäne «Samal» jazǧy lagerlerınıŋ bazasynda 330 orynǧa «keluşılerdı aqyly türde qabyldau punktterı» ūiymdastyrylǧan. Onda uaqytşa tūru jäne tamaqtanu qyzmetterı 5000 teŋgenı qūraidy. RF kelgen azamattarǧa jäne bızdıŋ tūrǧyndar üşın tüitkıldı mäselelerdı şeşu maqsatynda 109 bıryŋǧai call-ortalyǧyna habarlasuǧa bolady. Sonymen bırge äleumettık jelılerde elımızdıŋ basqa öŋırlerıne jüretın tūraqty avtobus marşruttarynyŋ qozǧalys kestesı, jolaqy qūny turaly aqparattar ornalastyrylǧan. Qalyptasqan jaǧdaiǧa orai künıne 3 ret jolauşylar avtobusy Atyrau qalasyna qatynauda. Poezd baǧyttaryna qosymşa vagondar tırkeu, äue reisterın köbeitu jönınde sūranystar boiynşa tiıstı ministrlık pen «Qazaqstan temır joly» ūlttyq kompaniiasymen kelıssözder jürgızılude. Qajet bolǧan jaǧdaida monitoring jäne jedel şaralar qabyldau üşın jeke ştab qūrylatyn bolady.
