«Azamattarǧa arnalǧan ükımet» memlekettık korporasiiasy» kommersiialyq emes aksionerlık qoǧamynyŋ BQO boiynşa filialynyŋ direktory Nadir Qūrymbaevtyŋ aituynşa, Oraldaǧy HQKO-larǧa elde uaqytşa bolatyn şeteldıkter men azamattyǧy joq adamdarǧa «jeke säikestendıru nömırın qalyptastyru» memlekettık qyzmetı boiynşa azamattardyŋ köptep keluı baiqalady.
– Bızdıŋ oblys boiynşa 16 halyqqa qyzmet körsetu bölımı jūmys ısteidı, onyŋ ışınde 2-uı Oral qalasynda. Eŋ aldymen, azamattarymyzdyŋ memlekettık qyzmetterdı aluyna qolaily jaǧdai jasau üşın bız şeteldıkterdı Jambyl köş. 81/2 mekenjaiy boiynşa ornalasqan №1 HQO-nda qabyldaudy jön kördık. Klientterdıŋ şamadan tys jinaluyn boldyrmau üşın İsatai-Mahambet köş. 84 mekenjaiynda ornalasqan №2 HQO-nda bızdıŋ qala men oblys azamattarynyŋ memlekettık qyzmetterdı aluyna kedergı keltırmeuge jaǧdai jasaldy. Būl rette, memlekettık qyzmetterdı №1 HQO-nan alǧysy keletın jergılıktı tūrǧyndarǧa memlekettık qyzmet bırınşı kezekte körsetıledı. Memlekettık qyzmet körsetude eşqandai problemalyq mäseleler oryn alǧan joq. Künı bügınde JSN alatyn reseilık azamattardy tek Jäŋgır han 160/4 mekenjaiynda qabyldaidy. Qazırgı HQO bölımderıne jolyǧuşy Resei azamattarynyŋ basym bölıgı JSN aluǧa ötınış berude. JSN alu üşın şeteldıkterden jeke basyn kuälandyratyn qūjat talap etıledı. Al körsetıletın qyzmettı aluşynyŋ resmi ökılı jügıngen jaǧdaida notarialdy kuälandyrylǧan senımhat pen ötınışı qajet bolady, – deidı Nadir Şamūratūly.
Şeteldıkter üşın JSN kuälıgın beru merzımı – 1 jūmys künın qūraidy. JSN alu tegın.
Klientter «Mobildı HQO» qosymşasy, eGov mobile, EgovKzBot2.0 telegram-boty, eGov elektrondy ükımet portaly jäne 1414 Bıryŋǧai bailanys ortalyǧy arqyly HQO-ǧa kezekke tūru üşın aldyn ala tapsyrys bere alady. «Azamattarǧa arnalǧan ükımet» memlekettık korporasiiasynyŋ BQO boiynşa filialy jaǧdaidy retteu üşın barlyq mümkındıkterdı qarastyruda. Sondai-aq, qyzmet aluşylardan uaqytşa qolaisyzdyqtarǧa tüsınıstıkpen qaraudy sūraidy.
