BQO Polıııa departamenti bastyǵynyń birinshi orynbasary, polıııa polkovnıgi Janbolat Janshın qonaqúılerdiń, hostelderdiń, pansıonattardyń, jataqhanalardyń, jalǵa beriletin páterlerdiń ıelerin kóshi-qon zańnamasynyń talaptaryn qatań saqtaýǵa shaqyrady.
– Sheteldik azamattardy qabyldaıtyn jeke jáne zańdy tulǵalar ózderine keletin kóship kelýshiler týraly Ishki ister organdaryn habardar etýge mindetti. Atalǵan habarlama sheteldik azamat kelgen kúnnen bastap úsh jumys kúni ishinde mindetti túrde beriledi. Osy merzimdi ótkizip alǵan jáne kóship kelýshiniń kelýi týraly Ishki ister organdaryna habarlamaǵan jaǵdaıda joǵaryda atalǵan menshik ıeleri QR Ákimshilik quqyq buzýshylyq týraly Kodeksiniń 518-baby boıynsha jaýaptylyqqa tartylady. Zańdy tulǵalar úshin 10-nan 25 AEK, aılyq, qaıtalanǵan jaǵdaıda 100 AEK deıin aıyppul qarastyrylǵan, bul 306 myń teńge, – dedi Janbolat Janshın.
Jeke jáne zańdy tulǵalar kóship kelýshiniń kelgeni týraly elektrondyq vızalyq jáne kóshi-qon portaly arqyly tikeleı habarlaı alady vmp.gov.kz nemese egov.kz arqyly.
Ol úshin qazaqstandyq tarapqa kóship kelýshiniń elektrondyq ıfrlyq qoltańbasy jáne pasporttyq derekteri jetkilikti. Ekinshi ádis, Qazaqstan tarapynan qabyldaýshy jeke jáne zańdy tulǵalar sheteldiktiń kelgeni týraly habarlamany tikeleı óz aýdany boıynsha ishki ister organdarynyń kóshi-qon qyzmetiniń bólimderi men bólimshelerine bere alady. Úshinshi ońaı ádis–ApStore nemese PlayMarket-ten e-Qonaq qosymshasyn júkteý. Habarlama eki qadammen beriledi. Tipti smartfonnyń kamerasy arqyly tólqujatyn skanerleý arqyly sheteldiktiń tólqujat derekterin júkteý múmkindigi bar. Habarlamany avtorızaııalaý jáne toltyrý ıntýıtıvti. Bir mınýt ýaqyt alady.
