Batys Qazaqstan oblysyna jūmys sapary aiasynda Qazaqstan Respublikasy Käsıpodaqtar federasiiasynyŋ töraǧasy Satybaldy Däuletalin oblys äkımı Ǧali Esqalievpen kezdestı. Äleumettık ärıptester äleumettık-eŋbek qatynastaryn damytu boiynşa öŋırde qabyldanyp jatqan şaralardy talqylady.
QR Käsıpodaqtar federasiiasynyŋ basşysy Satybaldy Däuletalin men Batys Qazaqstan oblysy äkımınıŋ bırınşı orynbasary Arman Öteǧūlovtyŋ töraǧalyǧymen ötken Äleumettık ärıptestık jäne äleumettık-eŋbek qatynastaryn retteu jönındegı öŋırlık üşjaqty komissiianyŋ otyrysy özektı taqyryptardy qauzady.
Äleumettık ärıptesterdı talqylaudyŋ basty taqyryby äleumettık ärıptestık jäne jalpy äleumettık-eŋbek qatynastaryn damytu jönındegı öŋırlık kelısımdı ıske asyru boiynşa jergılıktı atqaruşy organdardyŋ, käsıpodaqtar men jūmys beruşılerdıŋ bırlesken jūmysynyŋ körsetkışterı boldy.
Batys Qazaqstan oblysy äkımdıgınıŋ memlekettık eŋbek inspeksiiasy basqarmasynyŋ basşysy Asylūlan Dosjanovtyŋ mälımetınşe, jyl basynan berı 77 käsıporynnyŋ qyzmetıne tekseru jürgızılıp, 149 būzuşylyq anyqtaldy, olardyŋ basym bölıgı äleumettık-eŋbek qatynastaryna qatysty.
Jūmys beruşılerge qatysty 76 nūsqama berılıp, 32 käsıporynǧa aiyppūl salyndy.
Äkımdık ökılı öŋır käsıporyndarynda eŋbek janjaldarynyŋ bolmauyn käsıpodaqtarmen bırlesken jūmystardyŋ oŋ nätijesı dep atady.
Sonymen qatar, Batys Qazaqstan oblysynda 10 salalyq käsıpodaq jäne 14 jergılıktı käsıpodaq jūmys ısteidı, olardyŋ qūramynda 72 myŋ käsıpodaq müşesı bar myŋnan astam bastauyş käsıpodaq ūiymdary bar. 2022 jyldyŋ 9 aiynda 10 jaŋa käsıpodaq ūiymy qūryldy, 1700-den astam adam käsıpodaq müşesı boldy.
Batys Qazaqstan oblysy käsıpodaqtarynyŋ aumaqtyq bırlestıgınıŋ töraiymy Aigül Esekenovanyŋ aituynşa, äleumettık ärıptesterdıŋ basty jetıstıkterınıŋ bırı Öŋırlık kelısımge oblys käsıporyndary qyzmetkerlerınıŋ jalaqysyn infliasiia deŋgeiıne indeksteu jönındegı normalardy jäne käsıporyndardyŋ tehnikalyq inspektorlaryn materialdyq yntalandyru jönındegı şaralardy engızu boldy.
Alaida käsıbi ortalyqtyŋ statistikasyna säikes, biyl öŋır käsıporyndarynda 64 jazataiym oqiǧa oryn alyp, 47 adam zardap şektı, onyŋ 12-sı qaitys boldy.
Osyǧan bailanysty QR Käsıpodaqtar federasiiasynyŋ töraǧasy Satybaldy Däuletalin Äleumettık ärıptestık taraptaryna «Halyqtyq baqylau» baǧdarlamasyn engıze otyryp, «Vizionzero» standarttaryna qosylu arqyly jäne «ASPANS» eŋbek qauıpsızdıgın qamtamasyz etu boiynşa otandyq sifrlyq platformany qoldanu arqyly öndırıstık jaraqattanu jaǧdailaryna jol bermeu şaralaryn küşeitudı ūsyndy.
