Memleket basşysy Qasym-Jomart Toqaev Abai oblysyna jūmys saparymen keldı. Būl turaly Aqorda jazdy, dep habarlaidy «Adyrna» tılşısı.
Sapar aiasynda Prezident Semei jūrtşylyǧymen kezdesıp, öŋırdıŋ bırqatar mädeni-bılım beru oşaqtaryn aralap körudı josparlap otyr.
«Men biyl halyqtyŋ qalauyn eskere otyryp, osy aimaqta jeke oblys qūru turaly şeşım qabyldadym. Atalǧan qadam öŋırdıŋ äleumettık-ekonomikalyq mäselelerın jedel şeşıp, tūrǧyndardyŋ äl-auqatyn arttyruǧa yqpal etedı. İnvestisiianyŋ keluıne, önerkäsıp pen jūmys oryndarynyŋ aşyluyna, şaǧyn jäne orta biznestıŋ damuyna jaǧdai jasaidy. Aimaqty respublikalyq biudjetten tıkelei qarjylandyru jüiesı jüzege asady. Būl şeşım – şyn mänınde, tarihi ädıldıktıŋ saltanat qūruy. Bız jaŋadan qūrylǧan oblysty ūlttyŋ ūly tūlǧasyna degen erekşe qūrmet belgısı retınde Abai dep atadyq»,—dedı Prezident.
