Bügın Ükımet üiınde ötken keŋes barysynda Älihan Smaiylov «Jaily mektep» ūlttyq jobasyn ıske asyru jönınde tapsyrma berdı. Būl turaly QR Premer-Ministrınıŋ Baspasöz qyzmetı habarlady, dep jazady "Adyrna" ūlttyq portaly.
Premer-Ministr Memleket basşysy Reformalar jönındegı Joǧary keŋestıŋ otyrysynda «Jaily mektep» ūlttyq jobasynyŋ negızgı täsılderın maqūldaǧanyn, onyŋ şeŋberınde 800 myŋ oquşyǧa arnalǧan jaŋa formattaǧy mektepter salu josparlanǧanyn eske saldy.
«Ūlttyq jobany ıske asyruǧa jedel kırısuımız kerek. Alaida bügınde öŋırlerdegı 143 mekteptıŋ jer uchaskelerın anyqtau boiynşa sūraqtar şeşılmegen. Būl jūmysty barynşa tezdetu qajet: qazan aiynyŋ soŋyna deiın qūrylysy 2023 jyly jäne jyl soŋyna deiın 2024 jylǧa josparlanǧan mektepter boiynşa mäselenı şeşu kerek», — dedı Älihan Smaiylov.Sondai-aq ol oqu prosesın sifrlandyrudy tezdetu qajettıgın atap öttı.
«Osyǧan bailanysty oqulyqtardy sifrlyq formatqa köşırudı jedeldetu jäne balalardy auyr sömkelerden aryltu qajet. Sondai-aq äkımdıktermen bırlesıp, oquşylardy planşettermen qamtamasyz etu mäselesın şeşudı qolǧa alu kerek. Atap aitqanda, “Qazaqstan halqyna” qorymen bırlesıp, olardy auyldyq mektepterdıŋ balalary üşın satyp alu mümkındıgın pysyqtau kerek», — dep atap öttı Älihan Smaiylov.Keŋes soŋynda ol Sifrlyq damu, innovasiialar jäne aeroǧaryş önerkäsıbı ministrlıgıne bailanys operatorlarymen bırlesıp, elımızdıŋ barlyq mektepterın sapaly jyldamdyǧy joǧary internetpen qamtamasyz etudı tapsyrdy.
"Adyrna" ūlttyq portaly
