Oblys äkımdıgınde ötken jedel keŋeste öŋır basşysy Ǧali Esqaliev öŋırde jūmyspen qamtu deŋgeiınıŋ tömendıgın, jastarmen jūmystyŋ öz deŋgeiınde jürgızılmei jatqanyn aitty, dep habarlaidy “Adyrna” ūlttyq portaly.
Jiyn barysynda kommunaldyq mülıktı senımgerlık basqaruǧa beru jäne jol qozǧalysy qauıpsızdıgın qamtamasyz etu mäselelerı de talqylandy.
BQO jastar saiasaty basqarmasynyŋ basşysy Dulat İmaşevtyŋ aituynşa, qazırgı taŋda «Bolaşaǧyŋ öz qolynda» jobasy aiasynda memlekettık baǧdarlamalardy naqtylau jūmystary jürgızılgen. «Diplommen auylǧa» baǧdarlamasy boiynşa 700-ge juyq jas mamanǧa köterme järdemaqy retınde 213,3 million teŋge, 307 mamanǧa jalpy somasy 1 386,9 million teŋgege tūrǧyn üi aluǧa nesie berılıptı. «Jasyl el» baǧdarlamasy boiynşa 1175 adam jūmysqa ornalassa, «Studenttık qūrylys jasaqtary» jobasy boiynşa nebärı 460 kvota igerılgen, öz kezegınde 8 myŋǧa juyq jas maman keŋes alyp, jūmyspen qamtu ortalyqtaryna jıberılgen. Sondai-aq joba aiasynda biylǧy jyldyŋ soŋyna deiın 500 adamdy jūmyspen qamtu josparlanuda. Jazda käsıpkerler men jas mamandardyŋ kezdesulerı ūiymdastyryldy. Bügıngı taŋda «Modisal» jihaz fabrikasymen kolledj studentterın öndırıstık täjıribeden ötkennen keiın jūmysqa ornalastyru üşın kelısımşart jasalǧan. Oquyn aiaqtaǧan aspazdar men daiaşylardy jūmysqa alu üşın meiramhana ielerımen kelıssözder jürgızılude eken.
Öz kezegınde oblys äkımı resurstyq ortalyqtyŋ jūmysyna qatysty bırqatar eskertuler jasap, BQO äkımdıgı apparatynyŋ basşysy Abat Şynybekovke basqarma jūmysyn jandandyrudy tapsyrdy.
– Bügıngı taŋda jastardy jūmyspen qamtuǧa arnalǧan «Alǧaşqy jūmys», «Jastar täjıribesı» baǧdarlamalary köp. Būl baǧdarlamalar boiynşa käsıpkerlerge keŋınen tüsındıru jūmystaryn jürgızu qajet. Sondai-aq qysqa merzımdı kurstar bar, talap etılmegen mamandyqtar boiynşa mamandardy oqytudyŋ qajetı joq, eŋbek naryǧyna nazar audaru qajet, – dedı Ǧali Esqaliev.Oblystyq memlekettık satyp alu basqarmasy basşysynyŋ orynbasary Farida Radjapova oblystaǧy 1204 nysannyŋ 334-ın käsıpkerlık subektılerıne senımgerlık basqaruǧa beruge bolatynyn atap öttı. Soŋǧy tört jylda nysandardy jalǧa beruden tüsken kırıs şamamen 500 million teŋgenı qūrady. Al qala äkımı Mirjan Satqanov soŋǧy ekı jylda satyp alu qūqyǧy joq 10 nysannyŋ qala äkımşılıgıne berılgenın aitty. Osy uaqyt ışınde biudjetke 12 mln. tüsım tüsken.
– Biyl 32 nysan jalǧa berıldı.Ötken segız aida biudjetke 18 mln. teŋgege juyq qarjy tüstı. Jyl soŋyna deiın taǧy üş nysandy senımgerlık basqaruǧa berudı josparlap otyrmyz, – dedı M.Satqanov.Aǧymdaǧy jyldyŋ segız aiynyŋ qorytyndysy boiynşa oblys joldarynda 205 jol-kölık oqiǧasy tırkelıp, sonyŋ saldarynan 67 adam qaza tauyp, 251-ı jaraqat alǧan. Būl turaly jiynda BQO DP basşysynyŋ bırınşı orynbasary Janbolat Janşin baiandady.
– Jol-kölık oqiǧalarynyŋ negızgı sebebı – jyldamdyqty arttyru, kölık jürgızu mädenietınıŋ tömendıgı jäne kölık jürgızu kezınde alkogoldı ışımdık ışu. Osylaişa, aǧymdaǧy jyldyŋ basynan berı manevr jasau erejesın būzǧan 4144 jürgızuşı äkımşılık jauapkerşılıkke tartylǧan. Jyldamdyqty arttyru saldarynan 31 adam qaza tauyp, 166 jürgızuşıge qarsy jolaqqa şyǧyp ketkenı üşın aiyppūl salyndy Köbınese üi januarlary da jol-kölık oqiǧasyna kınälı bolady. Öitkenı, tünde jolda januarlardy baiqau öte qiyn. Aǧymdaǧy jyldyŋ basynan berı 1899 mal iesı äkımşılık jauapkerşılıkke tartylyp, 265-ıne eskertu jasalyp, jalpy aiyppūl somasy 8 mln. 151 myŋ 183 teŋgenı qūrap otyr.Būl faktıler mal baǧudyŋ baqylausyz boluyna bailanysty, – dedı J.Janşin.Oblys äkımı audan äkımderı men veterinariia organdaryna barlyq auyl şaruaşylyǧy januarlaryn esepke alu boiynşa qajettı şaralardy qabyldaudy tapsyrdy. Sonymen qatar, oblystyq jolauşylar kölıgı jäne avtomobil joldary basqarmasyna avtojoldardaǧy bilbordtardy jaŋartu boiynşa ūsynystar berıldı.
”Adyrna” ūlttyq portaly
Ūqsas jaŋalyqtar
