«AMANAT»-tyń óńirlik fılıaldaryndaǵy 20 konferenııanyń qorytyndysy boıynsha partııanyń kezekten tys XXIV Sezine 700 delegat saılandy. Sondaı-aq, amanattyqtar partııanyń jańa Saıası tuǵyrnamasynyń jobasyn talqylady. Jalpy, úsh kún ishinde barlyq deńgeıdegi konferenııalar jumysyna 20 myńnan astam adam qatysty.
Aqmola oblystyq máslıhatyndaǵy «AMANAT»-tyń depýtaty Saıra Mataıbaeva atap ótkendeı, jańa Saıası tuǵyrnama bıyl naýryzda iske qosylǵan keń aýqymdy partııalyq transformaııanyń bir bóligi bolyp sanalady.
«Bizdiń basty baılyǵymyz – halyq, basty maqsatymyz – azamattardyń ál-aýqatyn jaqsartý. Tuǵyrnamada qoǵamnyń shoǵyrlandyrýshy kúshine aınalýy tıis jasampaz eńbektiń mańyzdylyǵy týraly aıtylady. Bıznes-qoǵamdastyqtyń ókili retinde, bul máseleni sheshýge kásipkerlikti jan-jaqty járdemdesý amaly kómektesedi dep aıta alamyn», – dedi ol.
Aqtóbe oblystyq ftızıopýlmonologııalyq ortalyǵynyń bas dárigeri Erlan Tátimovtińaıtýynsha, partııalyqtar densaýlyq saqtaý jáne bilim berý máselelerine erekshe nazar aýdaryp keledi.
«Bilim men ǵylymǵa quıylǵan ınvestıııa – bul bolashaqqa quıylǵan ınvestıııa. Balabaqshalardyń, jataqhanalardyń jetispeýshiligi máselesin sheshý, úsh aýysymdy mektepterdi joıý, medıınalyq nysandardyń jabdyqtalýyn jaqsartý qajet. Partııalyqtar osy máselelermen turaqty túrde aınalysady ári bul baǵyttar basty ıdeologııalyq qujatta kórinis tapqan. Júıeli jumystyń bir kórinisi – osy», – dedi ol.
Aıta ketý kerek, partııalyqtarǵa áleýmettik saýalnama arqyly Saıası tuǵyrnama jobasyna qatysty óz pikirin bildirýge múmkindik berildi. Batys Qazaqstandaǵy partııalyqtar da bul jumystan shet qalǵan joq.
«Óńirimizde 217 bastaýysh partııa uıymy bar. Jańa qujat sonyń árbirinde belsendi talqylandy. Oblysymyzdaǵy partııalyqtardyń kóptegen usynysy tuǵyrnamany ázirleý kezinde eskerilgeni qýantady», – dedi partııanyń Batys Qazaqstan oblystyq fılıalynyń atqarýshy hatshysy Murat Muqaev.
Mańǵystaý oblystyq máslıhatyndaǵy «AMANAT»-tyń depýtaty Aıat Súgirbaıdyń aıtýynsha, qazirgi ýaqytta qoǵamdyq tatýlyq pen kelisimdi saqtaý asa mańyzdy másele bolyp otyr.
«Birlik – memleketimizdiń negizi. Jalpyulttyq biregeılikti nyǵaıta otyryp, biz eshqashan elimizdegi ultaralyq jáne konfessııaaralyq kelisimge kúmán keltirýge jol bermeımiz. Óıtkeni damýdyń basty sharty – turaqtylyq pen tynyshtyq ekeni sózsiz», – dedi ol.
Partııanyń jańa Saıası tuǵyrnamasy Memleket basshysy Qasym-Jomart Toqaevtyń reformalar baǵytyn júzege asyrý úshin jasalǵan, deıdi Qostanaı oblysyndaǵy partııa músheleri.
«Tuǵyrnamada kórsetilgendeı, qazirgi tańda qoǵamnyń basty talaby ádildik pen zań ústemdigin ornatý, sybaılas jemqorlyq pen paraqorlyqqa qarsy aıaýsyz kúres bolyp otyr. «AMANAT» partııasy áleýmettik ádilettilik jaǵynda bolyp keldi, solaı bolyp qala beredi. Biz zańdarda jáne ómirde áleýmettik ádilettilik ornatýǵa shaqyramyz», – dedi partııanyń Qostanaı oblystyq fılıalynyń atqarýshy hatshysy Bıbigúl Aqqojına.
Túrkistan oblysynda amanattyqtar aýyl sharýashylyǵyn qoldaýdyń mańyzdylyǵyna nazar aýdardy. Túrkistan oblystyq máslıhatynyń depýtaty Almas Sálimov partııanyń jańa Saıası tuǵyrnamasy jobasynda bul máselege erekshe kóńil bólingenin atap ótti.
«Agrarlyq sektor – Qazaqstan ekonomıkasynyń mańyzdy quramdas bóligi, aýyldyń ál-aýqatyn kóterý – árbir partııalyqtyń mindeti. «AMANAT» partııasy aýyldyń ál-aýqatyn jaqsartý, aýyl sharýashylyǵyn qoldaý memleket aldynda turǵan strategııalyq mindetterdiń biri ekenine senimdi», – dedi ol.
Eske sala keteıik, 6 qazanda Astana qalasynda «AMANAT» partııasynyń kezekten tys XXIV Sezi ótedi. Partııanyń Ortalyq apparaty daıyndyq jumystaryn júrgizýde.
