«AMANAT»-tyŋ öŋırlık filialdaryndaǧy 20 konferensiianyŋ qorytyndysy boiynşa partiianyŋ kezekten tys XXIV Sezıne 700 delegat sailandy. Sondai-aq, amanattyqtar partiianyŋ jaŋa Saiasi tūǧyrnamasynyŋ jobasyn talqylady. Jalpy, üş kün ışınde barlyq deŋgeidegı konferensiialar jūmysyna 20 myŋnan astam adam qatysty.
Aqmola oblystyq mäslihatyndaǧy «AMANAT»-tyŋ deputaty Saira Mataibaeva atap ötkendei, jaŋa Saiasi tūǧyrnama biyl nauryzda ıske qosylǧan keŋ auqymdy partiialyq transformasiianyŋ bır bölıgı bolyp sanalady.
«Bızdıŋ basty bailyǧymyz – halyq, basty maqsatymyz – azamattardyŋ äl-auqatyn jaqsartu. Tūǧyrnamada qoǧamnyŋ şoǧyrlandyruşy küşıne ainaluy tiıs jasampaz eŋbektıŋ maŋyzdylyǧy turaly aitylady. Biznes-qoǧamdastyqtyŋ ökılı retınde, būl mäselenı şeşuge käsıpkerlıktı jan-jaqty järdemdesu amaly kömektesedı dep aita alamyn», – dedı ol.
Aqtöbe oblystyq ftiziopulmonologiialyq ortalyǧynyŋ bas därıgerı Erlan Tätımovtıŋaituynşa, partiialyqtar densaulyq saqtau jäne bılım beru mäselelerıne erekşe nazar audaryp keledı.
«Bılım men ǧylymǧa qūiylǧan investisiia – būl bolaşaqqa qūiylǧan investisiia. Balabaqşalardyŋ, jataqhanalardyŋ jetıspeuşılıgı mäselesın şeşu, üş auysymdy mektepterdı joiu, medisinalyq nysandardyŋ jabdyqtaluyn jaqsartu qajet. Partiialyqtar osy mäselelermen tūraqty türde ainalysady ärı būl baǧyttar basty ideologiialyq qūjatta körınıs tapqan. Jüielı jūmystyŋ bır körınısı – osy», – dedı ol.
Aita ketu kerek, partiialyqtarǧa äleumettık saualnama arqyly Saiasi tūǧyrnama jobasyna qatysty öz pıkırın bıldıruge mümkındık berıldı. Batys Qazaqstandaǧy partiialyqtar da būl jūmystan şet qalǧan joq.
«Öŋırımızde 217 bastauyş partiia ūiymy bar. Jaŋa qūjat sonyŋ ärbırınde belsendı talqylandy. Oblysymyzdaǧy partiialyqtardyŋ köptegen ūsynysy tūǧyrnamany äzırleu kezınde eskerılgenı quantady», – dedı partiianyŋ Batys Qazaqstan oblystyq filialynyŋ atqaruşy hatşysy Mūrat Mūqaev.
Maŋǧystau oblystyq mäslihatyndaǧy «AMANAT»-tyŋ deputaty Aiat Sügırbaidyŋ aituynşa, qazırgı uaqytta qoǧamdyq tatulyq pen kelısımdı saqtau asa maŋyzdy mäsele bolyp otyr.
«Bırlık – memleketımızdıŋ negızı. Jalpyūlttyq bıregeilıktı nyǧaita otyryp, bız eşqaşan elımızdegı ūltaralyq jäne konfessiiaaralyq kelısımge kümän keltıruge jol bermeimız. Öitkenı damudyŋ basty şarty – tūraqtylyq pen tynyştyq ekenı sözsız», – dedı ol.
Partiianyŋ jaŋa Saiasi tūǧyrnamasy Memleket basşysy Qasym-Jomart Toqaevtyŋ reformalar baǧytyn jüzege asyru üşın jasalǧan, deidı Qostanai oblysyndaǧy partiia müşelerı.
«Tūǧyrnamada körsetılgendei, qazırgı taŋda qoǧamnyŋ basty talaby ädıldık pen zaŋ üstemdıgın ornatu, sybailas jemqorlyq pen paraqorlyqqa qarsy aiausyz küres bolyp otyr. «AMANAT» partiiasy äleumettık ädılettılık jaǧynda bolyp keldı, solai bolyp qala beredı. Bız zaŋdarda jäne ömırde äleumettık ädılettılık ornatuǧa şaqyramyz», – dedı partiianyŋ Qostanai oblystyq filialynyŋ atqaruşy hatşysy Bibıgül Aqqojina.
Türkıstan oblysynda amanattyqtar auyl şaruaşylyǧyn qoldaudyŋ maŋyzdylyǧyna nazar audardy. Türkıstan oblystyq mäslihatynyŋ deputaty Almas Sälımov partiianyŋ jaŋa Saiasi tūǧyrnamasy jobasynda būl mäselege erekşe köŋıl bölıngenın atap öttı.
«Agrarlyq sektor – Qazaqstan ekonomikasynyŋ maŋyzdy qūramdas bölıgı, auyldyŋ äl-auqatyn köteru – ärbır partiialyqtyŋ mındetı. «AMANAT» partiiasy auyldyŋ äl-auqatyn jaqsartu, auyl şaruaşylyǧyn qoldau memleket aldynda tūrǧan strategiialyq mındetterdıŋ bırı ekenıne senımdı», – dedı ol.
Eske sala keteiık, 6 qazanda Astana qalasynda «AMANAT» partiiasynyŋ kezekten tys XXIV Sezı ötedı. Partiianyŋ Ortalyq apparaty daiyndyq jūmystaryn jürgızude.
