QazTemirTrans Qostanaı fılıalynyń dırektory sybaılas jemqorlyq úshin sottaldy, dep habarlaıdy «Adyrna» tilshisi Antıkorǵa silteme jasap.
«2022 jylǵy 3 qazanda Qostanaı qalasynyń №2 sotymen «Qaztemirtrans» AQ Qostanaı fılıalynyń dırektory B. Ýsabekov pen «Vadısa M» JShS dırektory S. Taırovqa qatysty aıyptaý úkimi shyǵaryldy.
Joǵaryda atalǵan tulǵalar júk vagondaryn kedergisiz jáne jedel jetkizgeni úshin para aldy, berdi dep aıyptaldy.
Sot úkimimen Ýsabekovke ortasha qaýipsizdik mekemesinde 6 jylǵa bas bostandyǵynan aıyrý jazasy taǵaıyndaldy»,—delingen habarlamada.
Sol úkimmen Taırovqa para berý faktisi boıynsha paranyń jıyrma eselengen somasy mólsherinde aıyppul taǵaıyndaldy, bul 24 mln teńgeni quraıdy.
Sottalǵandar ómir boıy memlekettik qyzmette qyzmet atqarý quqyǵynan aıyrylady.
Úkim zańdy kúshine engen joq.
