QazTemırTrans Qostanai filialynyŋ direktory sybailas jemqorlyq üşın sottaldy, dep habarlaidy «Adyrna» tılşısı Antikorǧa sılteme jasap.
«2022 jylǧy 3 qazanda Qostanai qalasynyŋ №2 sotymen «Qaztemırtrans» AQ Qostanai filialynyŋ direktory B. Usabekov pen «Vadisa M» JŞS direktory S. Tairovqa qatysty aiyptau ükımı şyǧaryldy. Joǧaryda atalǧan tūlǧalar jük vagondaryn kedergısız jäne jedel jetkızgenı üşın para aldy, berdı dep aiyptaldy. Sot ükımımen Usabekovke ortaşa qauıpsızdık mekemesınde 6 jylǧa bas bostandyǧynan aiyru jazasy taǧaiyndaldy»,—delıngen habarlamada.Sol ükımmen Tairovqa para beru faktısı boiynşa paranyŋ jiyrma eselengen somasy mölşerınde aiyppūl taǧaiyndaldy, būl 24 mln teŋgenı qūraidy. Sottalǧandar ömır boiy memlekettık qyzmette qyzmet atqaru qūqyǧynan aiyrylady. Ükım zaŋdy küşıne engen joq.
