Senat Spikerı Mäulen Äşımbaevtyŋ töraǧalyǧymen Palata janyndaǧy Jas sarapşylar klubynyŋ kezektı otyrysy öttı. Otyrys barysynda qatysuşylar Memleket basşysynyŋ Joldauyndaǧy äleumettık-ekonomikalyq basymdyqtardy talqylap, olardy ıske asyruǧa arnalǧan ūsynystaryn ortaǧa saldy. Is-şaraǧa elımızdıŋ ūlttyq ekonomika ministrı Älıbek Quantyrov qatysty.
Otyrysty aşqan Senat Töraǧasy jeke käsıpkerlık bastamalardy yntalandyru, bäsekelestıktı damytu, ūlttyq tabysty ädıl bölu jäne basqa da strategiialyq bastamalar jaŋa ekonomikalyq saiasattyŋ basymdyqtary ekenın aitty.
«Baǧa belgıleu ısıne memlekettıŋ aralasuynan bırtındep bas tartu jäne ekonomikany odan ärı monopoliiasyzdandyru Joldauda belgılengen bırınşı kezektegı mındetter ekenı anyq. Sondai-aq tūraqty ekonomikalyq ösudı qamtamasyz etu üşın tüsınıktı jäne boljamdy ekonomikalyq saiasat kerek. Prezidentımız qarjy sektoryn jandandyru üşın jaŋa Salyq kodeksın äzırleudı tapsyrdy. Bügınde būl baǧytta tiıstı jūmystar bastalyp ta kettı. Sonymen qatar Memleket basşysy kedendık äkımşılendıru jäne biudjettık saiasat salalaryn jaqsartu boiynşa aitarlyqtai reforma jürgızu jäne naqty şaralar qabyldau qajet ekenın aitty», – dedı Mäulen Äşımbaev.
Senat Töraǧasy Joldauda memlekettık-jekemenşık serıktestıktıŋ jaŋa modelın engızu jäne nesie resurstarynyŋ tapşylyǧyn şeşu arqyly käsıpkerlıktı jüielı türde qoldauǧa erekşe nazar audarylǧanyn da atap öttı. Mäulen Äşımbaev Memleket basşysy pandemiianyŋ şekteulı resurstar jaǧdaiyndaǧy el ekonomikasyna tigızgen saldaryn eskere otyryp, bırqatar negızgı basymdyqty belgılep bergenıne nazar audardy.
«Bızge qazır aldaǧy jyldarda Qazaqstanda käsıpkerlerge jūmys ısteuge, öz käsıbı men biznesın jürgızuge mümkındık beretın naqty erejeler qajet. Būl – ädıl, aşyq, demokratiialyq Qazaqstannyŋ jaŋa paradigmasyn qalyptastyrudyŋ alǧaşqy qadamy. Joldaudan tuyndaityn ekınşı mındet – Ūlttyq kompaniialar men kvazimemlekettık sektordy jäne özge de tetıkterdı reformalau arqyly memlekettıŋ ekonomikadaǧy ülesın azaitu. Taǧy bır basymdyq, bız ekonomikany belsendı türde nesieleu boiynşa maqsatty qadamdar jasauymyz qajet. Prezidentımız basty erejelerdı atap öttı. Endı bız öz ūsynystarymyzdy berıp, olardy negızgı qatysuşy taraptarǧa jetkızuımız kerek. Sondai-aq ärı qarai sol erejelerdı ūstanuǧa tiıspız», – dedı Senat Spikerı.
Öz kezegınde ūlttyq ekonomika ministrı Älıbek Quantyrov ministrlıktıŋ osy baǧyttaǧy jūmysyna toqtalyp, elımızdegı jäne älemdegı ekonomikalyq üderısterdı jan-jaqty zerttep, keşendı saraptama jürgızgenı üşın otyrysqa qatysuşylarǧa rizaşylyǧyn bıldırdı. Sondai-aq ol jaŋa ideialar jolynda memleket pen sarapşylar qauymdastyǧynyŋ bırlesıp jūmys ısteuı maŋyzdy qadam ekenın tılge tiek ettı. Is-şara barysynda Jas sarapşylar klubynyŋ müşelerı salyq mölşerlemelerı men basqa da äleumettık audarymdardyŋ halyqaralyq täjıribesıne, qazırgı sanksiialyq teketıres jaǧdaiynda otandyq biznestıŋ strategiiasyna jäne ekonomikalyq damudyŋ basqa da maŋyzdy mäselelerıne qatysty öz ūsynystary men ūsynymdaryn aitty.
